ഹ്യൂസ്റ്റണ്‍: സെന്റ് ജോസഫ് ഫൊറോനാ ദൈവാലയ മധ്യസ്ഥന്‍ വി. യൗസേപിതാവിന്റെ തിരുനാള്‍ സാഘോഷം കൊണ്ടാടി. തിരുനാള്‍ ആചാരണത്തിന് 9 ദിവസത്തെ നൊവേനയ്ക്കും വി. കുര്‍ബാനയര്‍പ്പണത്തിനും വിവിധ ദിവസങ്ങളില്‍ റവ ഫാ. എബ്രഹാം മുത്തോലത്ത്, റവ ഫാ. കുര്യന്‍ നെടുവേലിചാലുങ്കല്‍, റവ ഫാ. ടോം പന്നലക്കുന്നേല്‍ എംഎസ്എഫ്എസ്, റവ ഫാ. മാത്യൂസ് മുഞ്ഞനാട്ട്, റവ. ഫാ. വര്‍ഗ്ഗീസ് കുന്നത്ത് എംഎസ്ടി, റവ ഫാ. ജോണ്‍ മണക്കുന്നേല്‍, റവ ഫാ. ലുക്ക് മാനുവല്‍, റവ ഫാ. അനീഷ് ഈറ്റയ്ക്കാകുന്നേല്‍, റവ ഫാ. ജോഷി വലിയവീട്ടില്‍ എന്നിവരും ഫൊറോനാ വികാരി റവ ഫാ. ജോണിക്കുട്ടി പുലിശ്ശേരി, അസി.വികാരി റവ ഫാ. ജോര്‍ജ് പാറയില്‍ എന്നിവരും കാര്‍മ്മികരും സഹകാര്‍മ്മികരുമായി. മാര്‍ച്ച് 17-ന് ചങ്ങനാശ്ശേരി അതിരൂപതാധ്യക്ഷന്‍ മാര്‍ തോമസ് തറയില്‍ മുഖ്യ കാര്‍മ്മികനായി. തിരുനാളിന്റെ പ്രധാന ദിനങ്ങളില്‍ റാസ കുര്‍ബാനയ്ക്കു
വികാരി റവ ഫാ. ജോണിക്കുട്ടി പുലിശ്ശേരിയും ആഘോഷമായ തിരുനാള്‍ കുര്‍ബാനയ്ക്കു രൂപതാധ്യക്ഷന്‍ മാര്‍ ജോയി ആലപ്പാട്ടും മുഖ്യകാര്‍മ്മികരായി. ആഘോഷമായ പ്രദക്ഷിണം തിരുനാള്‍ ആചാരണത്തിനു മാറ്റു കൂട്ടി. സ്‌നേഹവിരുന്നോടെ തിരുനാള്‍ ആചരണം സമാപിച്ചു.
തിരുനാള്‍ ക്രമീകരണങ്ങള്‍ക്കു കൈക്കാരന്മാരായ സിജോ ജോസ്, പ്രിന്‍സ് ജേക്കബ്, വര്‍ഗ്ഗീസ് കുര്യന്‍, ജോജോ തുണ്ടിയില്‍ എന്നിവര്‍ നേതൃത്വം നല്കി.