ഹൂസ്റ്റണ്‍: ബ്രസീലില്‍ നടക്കുന്ന ബ്രിക്‌സ് ഉച്ചകോടിയില്‍ ഇന്ത്യ ഗവണ്മെന്റ് പ്രതിനിധിയായി പങ്കെടുത്തതിനു ശേഷം ഹൂസ്റ്റനിലെത്തുന്ന പുതുപ്പള്ളി എം.എല്‍.എയും മുന്‍ മുഖ്യമന്ത്രി ഉമ്മന് ചാണ്ടിയുടെ പുത്രനുമായ ചാണ്ടി ഉമ്മന് ഹൂസ്റ്റനില്‍ വന്‍പിച്ച സ്വീകരണം നല്‍കുന്നു. ഉമ്മന് ചാണ്ടിയുടെ സുഹൃത്തുക്കളാണ് സ്വീകരണം ഒരുക്കുന്നത്.
സെപ്റ്റംബര്‍ 19 വെള്ളിയാഴ്ച വൈകുന്നേരം 7.30 നു സ്റ്റാഫോര്‍ഡിലുള്ള കൂപ്പര്‍ വാല്‍വ് കമ്പനിയുടെ ഓഡിറ്റോറിയത്തില്‍ (3397 Fifth St.) നടക്കുന്ന സമ്മേളനത്തില്‍ ഹൂസ്റ്റനിലെ തെരഞ്ഞെടുക്കപ്പെട്ട ജനപ്രതിനിധികളും, പൊതുപ്രവര്‍ത്തകരും, മത സമുദായ നേതാക്കളും പങ്കെടുക്കും എന്ന് സംഘാടകര്‍ അറിയിച്ചു.
ഉമ്മന് ചാണ്ടിയുടെ സതീര്‍ത്ഥ്യനും മുന്‍ കേരള യൂണിവേഴ്‌സിറ്റി എക്‌സിക്യൂട്ടീവ് കമ്മറ്റിയംഗവുമായ വി വി ബാബുക്കുട്ടി സി പി എ., എബ്രഹാം ഈപ്പന്‍, ജോഷ്വാ ജോര്‍ജ്ജ്, ജോസഫ് എബ്രഹാം, സന്തോഷ് ഐപ്പ്, അജി ഹുസൈന്‍, വിനോദ് വാസുദേവന്‍, ജോജി ജോസഫ് തുടങ്ങിയവരാണ് സ്വീകരണം ഒരുക്കുന്നത്
ബ്രിക്‌സ് ഉച്ചകോടിക്കുശേഷം ഹൂസ്റ്റനിലെത്തുന്ന ചാണ്ടി ഉമ്മന് എം. എല്‍.എ യ്ക്ക് സ്വീകരണം നല്‍കും
