റായ്പൂര്‍: ഛത്തീസ്ഗഢില്‍ ഏറ്റുമുട്ടലില്‍ രണ്ടു മാവോയിസ്റ്റുകളെ വധിച്ചു. ബിജാപൂര്‍ ജില്ലയില്‍ ബുധനാഴ്ച വൈകിട്ടാണ് ഏറ്റുമുട്ടലുണ്ടായത്. മാവോയിസ്റ്റ് വിരുദ്ധ ഓപ്പറേഷന്റെ ഭാഗമായി നടത്തിയ വെടിവയ്പ്പിന് ശേഷം പ്രദേശത്ത് നിന്നും രണ്ടു മാവോയിസ്റ്റുകളുടെ മൃതദേഹം കണ്ടെത്തുകയുമായിരുന്നു.
അതേസമയം, നിരോധിത കമ്മ്യൂണിസ്റ്റ് പാര്‍ട്ടി ഓഫ് ഇന്ത്യ (മാവോയിസ്റ്റ്) സായുധ പോരാട്ടം താത്ക്കാലികമായി നിര്‍ത്തിവയ്ക്കുകയും കേന്ദ്ര-സംസ്ഥാന സര്‍ക്കാരുകളുമായി സമാധാന ചര്‍ച്ചകള്‍ക്ക് സന്നദ്ധത പ്രകടിപ്പിക്കുകയും ചെയ്യുന്നതായി പ്രസ്താവന ഇറക്കിയിരുന്നു.