ന്യൂഡല്‍ഹി: ഇസ്രയേല്‍ പ്രധാനമന്ത്രി ബെഞ്ചമിന്‍ നെതന്യാഹുവിന്റെ ഈ വര്‍ഷാവസാനത്തേക്കായി നിശ്ചയിച്ചിരുന്ന ഇന്ത്യാ സന്ദര്‍ശനം മാറ്റിവെച്ചതായി റിപ്പോര്‍ട്ടുകള്‍. ഡല്‍ഹിയിലെ റെഡ്‌ഫോര്‍ട്ടിന് സമീപം നവംബര്‍ 10ന് നടന്ന രൂക്ഷമായ ബോംബ് സ്‌ഫോടനത്തെ തുടര്‍ന്നുള്ള സുരക്ഷാ വിലയിരുത്തലുകളെ തുടര്‍ന്നാണ് സന്ദര്‍ശനം നീട്ടിയതെന്ന് ഇസ്രയേല്‍ മാധ്യമങ്ങള്‍ റിപ്പോര്‍ട്ട് ചെയ്തു. സ്‌ഫോടനത്തില്‍ 10 പേര്‍ കൊല്ലപ്പെടുകയും, നിരവധി പേര്‍ക്ക് പരിക്കേല്‍ക്കുകയും ചെയ്തിരുന്നു.
ഡിസംബര്‍ മാസത്തിലാണ് നെതന്യാഹു ഇന്ത്യയിലെത്താനിരുന്നത്. 2018നുശേഷം അദ്ദേഹത്തിന്റെ ആദ്യ ഇന്ത്യാ സന്ദര്‍ശനമായിരിക്കുമായിരുന്നു അത്. എന്നാല്‍ സുരക്ഷാ ഏജന്‍സികളുടെ വിലയിരുത്തലിനെ തുടര്‍ന്ന് പുതിയ തീയതിയിലേക്ക് മാറ്റണമെന്ന് ഇസ്രയേല്‍ തീരുമാനിച്ചതായി അറിയിക്കുന്നു.
ഈ വര്‍ഷം ഇതിനുമുമ്പും രണ്ട് തവണ നെതന്യാഹു ഇന്ത്യാ സന്ദര്‍ശനം റദ്ദാക്കിയിരുന്നു. സെപ്തംബറില്‍ നടക്കുന്ന ആവര്‍ത്തിച്ച ഇസ്രയേല്‍ തിരഞ്ഞെടുപ്പിനെ കുറിച്ചുള്ള രാഷ്ട്രീയ അനിശ്ചിതത്വം മൂലമാണ് അതില്‍ ഒന്ന്. ഏപ്രില്‍ തെരഞ്ഞെടുപ്പിന് മുന്‍പും സന്ദര്‍ശനം മാറ്റിവെച്ചിരുന്നു.
നെതന്യാഹുവിന്റെ സന്ദര്‍ശനം നീണ്ടുപോയപ്പോള്‍, ഡിസംബര്‍ ആദ്യവാരത്തില്‍ റഷ്യന്‍ പ്രസിഡന്റ് വ്‌ലാദിമിര്‍ പുടിന്‍ ഇന്ത്യയിലെത്തും. വാര്‍ഷിക ഉച്ചകോടിക്കായി പുടിന്റെ സന്ദര്‍ശനം ഇതിനകം സ്ഥിരീകരിച്ചിട്ടുണ്ട്. പ്രധാനമന്ത്രി നരേന്ദ്ര മോഡിയുമായി അദ്ദേഹം ചര്‍ച്ചകള്‍ നടത്തും.
അതേസമയം, അമേരിക്കന്‍ പ്രസിഡന്റ് ഡോണള്‍ഡ് ട്രംപിന്റെ മകന്‍ ട്രംപ് ജൂനിയര്‍, നവംബര്‍ 21 മുതല്‍ 24 വരെ രാജസ്ഥാനിലെ ഉദയ്പൂരില്‍ നടന്ന ഒരു ഹൈ പ്രൊഫൈല്‍ വിവാഹത്തില്‍ പങ്കെടുക്കാനെത്തിയിരുന്നു. പ്രമുഖരടങ്ങുന്ന താരനിരയാണ് വിവാഹത്തില്‍ പങ്കെടുത്തത്.
റെഡ്‌ഫോര്‍ട്ട് ബോംബ് സ്‌ഫോടന പശ്ചാത്തലത്തില്‍ സുരക്ഷാ ആശങ്കകള്‍; നെതന്യാഹുവിന്റെ ഇന്ത്യാ സന്ദര്‍ശനം നീട്ടി
