ന്യൂഡല്‍ഹി: താരിഫ് യുദ്ധത്തില്‍ യു എസിന് ഇന്ത്യയുടെ മറുപടി. ഇന്ത്യ പുതിയ വിപണികള്‍ സ്വന്തമാക്കിക്കോളാം എന്നാണ് കേന്ദ്ര മന്ത്രി പിയൂഷ് ഗോയല്‍ പറഞ്ഞത്. കഴിഞ്ഞ വര്‍ഷത്തെ അപേക്ഷിച്ച് ഈ വര്‍ഷത്തെ കയറ്റുമതിയില്‍ വലിയ വര്‍ധനവാണുള്ളതെന്നും അദ്ദേഹം കൂട്ടിച്ചേര്‍ത്തു.
ആഗോളതലത്തില്‍ പുതിയ മേച്ചില്‍പുറങ്ങള്‍ കണ്ടെത്തുന്നതിനും കയറ്റുമതി വര്‍ധിപ്പിക്കുന്നതിനുമുള്ള നടപടികള്‍ സ്വീകരിച്ചു വരുകയാണെന്നും അദ്ദേഹം പറഞ്ഞു. ഈ വര്‍ഷം നമ്മുടെ ആത്മവിശ്വാസത്തെ നിശ്ചയിക്കും. നമുക്ക് സങ്കടപ്പെടേണ്ടതായി വരില്ലെന്നും ഗോയല്‍ പറഞ്ഞു.