ന്യൂഡല്‍ഹി: പാക്കിസ്ഥാന് വേണ്ടി ചാരവൃത്തി നടത്തിയ രണ്ടുപേരെ പഞ്ചാബ് പൊലീസ് അറസ്റ്റ് ചെയ്തു. പാലക് ഷെര്‍ മസിഗ്, സൂരജ് മസിഗ് എന്നിവരാണ് അറസ്റ്റിലായത്.
തന്ത്രപ്രധാനമായ സൈനിക വിവരങ്ങള്‍ ഇവര്‍ ചോര്‍ത്തി നല്‍കി എന്നാണ് കണ്ടെത്തിയിരിക്കുന്നത്. തുടര്‍ന്നാണ് അറസ്റ്റ് രേഖപ്പെടുത്തിയ്.
ഇരുവരും സൈനിക കന്റോണ്‍മെന്റുകളുടെയും വ്യോമതാവളങ്ങളുടെയും ഫോട്ടോകള്‍ പാക്കിസ്ഥാന് രഹസ്യാന്വേഷണ ഏജന്‍സിയായ ഐ എസ് ഐക്ക് അയച്ചതായും കണ്ടെത്തലുണ്ട്. ജയിലില്‍ കഴിയുന്ന ഹര്‍പ്രീത് സിംഗിനെ ചോദ്യം ചെയ്തതോടെയാണ് ചാരവൃത്തി സംബന്ധിച്ച് വിവരം ലഭിച്ചത്.
ഇരുവരും ഏറെ വര്‍ഷങ്ങളായി ചാരവൃത്തി നടത്തി വരുന്നതായാണ് വിവരം. വിശദമായ അന്വേഷണം നടത്തി വരികയാണെന്ന് പഞ്ചാബ് ഡി ജി പി വ്യക്തമാക്കി.