തിരുവനന്തപുരം: അതിജീവിതയുടെ പരാതിക്ക് പിന്നാലെ ഒളിവില്‍ പോയ രാഹുല്‍ മാങ്കൂട്ടത്തിലിനെതിരെ അ്‌ന്വേഷണ സംഘം ലുക്ക്ഔട്ട് നോട്ടീസ് പുറപ്പെടുവിച്ചു. വിദേശത്തേക്ക് കടന്നേക്കുമെന്നുള്ള സൂചനയുടെ അടിസ്ഥാനത്തില്‍ വിമാനത്താവളത്തിലാണ് പൊലീസ് ലുക്ക്ഔട്ട് നോട്ടീസ് പുറപ്പെടുവിച്ചത്. തിരുവനന്തപുരം സിറ്റി പൊലീസ് കമീഷണര്‍ ബ്യൂറോ എമിഗ്രേഷന് കത്ത് നല്‍കിയിരുന്നു.
രാഹുലിനെ ഉടന്‍ അറസ്റ്റു ചെയ്യാനാണ് പൊലീസ് നീക്കം. എന്നാല്‍ രാഹുല്‍ എവിടെയാണെന്ന കാര്യത്തില്‍ വ്യക്തതയില്ല. രാഹുലിന്റെ രണ്ട് ഫോണുകളും ഓഫാണ്. ഗര്‍ഭഛിദ്രം നടത്തുന്നതിന് ഗുളിക എത്തിച്ച യൂത്ത് കോണ്‍ഗ്രസ് നേതാവായ അടൂര്‍ സ്വദേശി ജോബി ജോസഫ് കേസില്‍ രണ്ടാം പ്രതിയാണ്. ഇയാളും ഒളിവിലാണ്.
വ്യാഴാഴ്ചയാണ് അതിജീവിത നേരിട്ടെത്തി മുഖ്യമന്ത്രിക്ക് പരാതി നല്‍കിയത്.