കണ്ണൂർ: ധർമടം മണ്ഡലത്തിൽ വോട്ടെണ്ണലിന്റെ ആദ്യ ഘട്ടങ്ങളിൽ തന്നെ ശ്രദ്ധേയമായ മാറ്റം. എൽഡിഎഫിനെ ഞെട്ടിച്ച് യുഡിഎഫ് മുന്നേറ്റം തുടരുകയാണ്. അഞ്ച് റൗണ്ടുകൾ പൂർത്തിയായപ്പോൾ മുഖ്യമന്ത്രി പിണറായി വിജയൻ 1090 വോട്ടുകൾക്ക് പിന്നിലായി. യുഡിഎഫ് സ്ഥാനാർഥി വി.പി. അബ്ദുൽ റഷീദ് ആണ് നിലവിൽ മുന്നിൽ നിൽക്കുന്നത്.
ആദ്യ റൗണ്ടിൽ തന്നെ അബ്ദുൽ റഷീദ് ലീഡ് പിടിച്ചെടുത്തത് ശ്രദ്ധേയമായി. പിണറായി വിജയൻ 5008 വോട്ടുകൾ നേടിയപ്പോൾ, അബ്ദുൽ റഷീദ് 5741 വോട്ടുകൾ നേടി 733 വോട്ടുകളുടെ ലീഡ് സ്വന്തമാക്കി. രണ്ടാം റൗണ്ടിൽ ലീഡ് 2523 വോട്ടുകളായി ഉയർന്നുവെങ്കിലും, മൂന്നാം റൗണ്ടിൽ അത് 2077 ആയി കുറഞ്ഞു. നാലാം റൗണ്ടിൽ വീണ്ടും ലീഡ് ഉയർത്തി 2812 വോട്ടുകളാക്കി.
ഇപ്പോഴുള്ള കണക്കുകൾ പ്രകാരം യുഡിഎഫ് 27,869 വോട്ടുകൾ നേടിയപ്പോൾ പിണറായി വിജയൻ 26,779 വോട്ടുകളാണ് നേടിയത്. ആകെ 15 റൗണ്ടുകളുള്ള വോട്ടെണ്ണലിൽ ഇനി 10 റൗണ്ടുകൾ ശേഷിക്കുകയാണ്. മണ്ഡലത്തിലെ തുടർന്നുള്ള ട്രൻഡുകൾ നിർണായകമാകും.
ധർമടത്ത് അഞ്ചാം റൗണ്ടിലും പിണറായി പിന്നിൽ
