എവറസ്റ്റിന്റെ മൂന്നിരട്ടി ഉയരം സങ്കല്പിക്കാമോ? എളുപ്പമാകില്ല, കാരണവും അങ്ങനെയൊന്ന് ഭൂമിയിലില്ല. എന്നാല് അത് സമീപഭാവിയില് നമ്മുടെ കാഴ്ച്ചാ പഥത്തിലെത്തും--നമ്മുടെ ചൊവ്വാ പര്യവേക്ഷണം വിജയിക്കുന്നതോടെ. കാരണം, ഈ പര്വതം സ്ഥിതി ചെയ്യുന്നത് ചൊവ്വയിലാണ്.
എവറസ്റ്റിന്റെ ഉയരം സമുദ്രനിരപ്പില് നിന്ന് 8,848 മീറ്ററും കെ2 പര്വതത്തിന്റെ (കാരക്കോരം പര്വതനിര) 8,611 മീറ്ററുമാണ്. ഏകദേശം ഒമ്പത് കിലോമീറ്റര് ഉയരം. ചൊവ്വയിലെ അതിന്റെ മൂന്നിരട്ടി ഉയരമുള്ള ഒളിമ്പസ് മോണ്സ് എന്ന മൗണ്ട് ഒളിമ്പസിന് ഉയരം 22 കിലോമീറ്റര്. അത്തരം അളവുകള് എടുക്കാന് ഒരേയൊരു മാര്ഗ്ഗമേയുള്ളൂ: മാര്സ് മോളാര് ലേസര് ആള്ട്ടിമീറ്റര് ഉപയോഗിച്ച്.
മൗണ്ട് ഒളിമ്പസ് ഒരു അഗ്നിപര്വതമാകാമെന്നും അതിന്റെ ലാവ മുഴുവന് പുറത്തേക്ക് ഒഴുകിയ ശേഷം അവശേഷിക്കുന്ന അഗാധ ഗര്ത്തത്തിന് 85 കിലോമീറ്റര് നീളവും 60 കിലോമീറ്റര് വീതിയുമുണ്ടെന്നും കണ്ടെത്തിയിട്ടുണ്ട്. അത് ഏകദേശം 6,000 മീറ്റര് ഉയരമുള്ള പാറകളാല് ചുറ്റപ്പെട്ടിരിക്കുന്നു.
നമ്മള് ചൊവ്വ ഗ്രഹത്തിലാണെങ്കില് പോലും ഒരു ലളിതമായ കാരണത്താല് ഈ അഗ്നിപര്വ്വതത്തിന്റെ പൂര്ണരൂപം കാണാനാവില്ല. അത് അത്ര വളരെ വലുതാണ്: ഏകദേശം 600 കിലോമീറ്റര് വിസ്തൃതി. പര്വ്വതം ഗ്രഹത്തിന്റെ വക്രതയോടെ ചക്രവാളത്തില് നഷ്ടപ്പെട്ടു. വാസ്തവത്തില്, ഒരു ബഹിരാകാശ ദൂരദര്ശിനി ഉപയോഗിച്ച് ഇത് വിശദമായി കാണാന് പോലും സാധ്യമല്ല, കാരണം നിങ്ങള്ക്ക് കാണാന് കഴിയുന്നത് ഒരു ഭീമാകാരമായ സ്ഥലമാണ്, അതില് നിങ്ങള്ക്ക് മധ്യഭാഗത്ത് ഗര്ത്തം കാണാന് കഴിയും അത്ര തന്നെ.
ചൊവ്വയുടെ പടിഞ്ഞാറന് അര്ദ്ധഗോളത്തില് താര്സിസ് പീഠഭൂമിയിലാണ് മൗണ്ട് ഒളിമ്പസ് സ്ഥിതി ചെയ്യുന്നത്. യൂറോപ്യന് ബഹിരാകാശ ഏജന്സിയുടെ മാര്സ് എക്സ്പ്രസ് പേടകം അതില് നിന്നുള്ള ലാവാ പ്രവാഹത്തിന് ഏകദേശം രണ്ട് ദശലക്ഷം വര്ഷം പഴക്കമുണ്ടെന്ന് സ്ഥിരീകരിച്ചിട്ടുണ്ട്. എങ്കിലും ഇപ്പോഴും ഒരു സജീവമായ അഗ്നിപര്വ്വതമായിരിക്കാനുള്ള സാധ്യത തള്ളിക്കളയാനാവില്ല.