ഷിക്കാഗോ: ജന്മനാടിനൊരു ആപത്തു വരുമ്പോള്‍ എന്നും കൂടെ നില്‍ക്കാറുള്ള പ്രവാസികളായ നമുക്ക് വയനാട്ടില്‍ മുന്നൂറോളം പേരുടെ മരണത്തിലും ഇരുനൂറോളം പേരേ കാണാതാക്കുകയും ചെയ്ത് എല്ലാം നഷ്ടപ്പെട്ട നമ്മുടെ സഹോദരങ്ങള്‍ക്കായി നമുക്ക് കൈ കോര്‍ക്കാം. രണ്ടു മൂന്നു ഗ്രാമങ്ങള്‍ തന്നെ തുടച്ചു നീക്കപ്പെട്ട നിലയിലാണ് . വീടുകള്‍, സ്‌കൂളുകള്‍, ആരാധനാലയങ്ങള്‍, സര്‍ക്കാര്‍ ആഫീസുകള്‍ ,കച്ചവട സ്ഥാപനങ്ങള്‍ റോഡുകള്‍, പാലങ്ങള്‍എല്ലാം നഷ്ടപ്പെട്ട ആ നാടിന് വേണ്ടി, അതെല്ലാം പുനര്‍ നിര്‍മ്മിക്കുന്നതിനുവേണ്ടി പ്രവാസികളായ നമുക്ക് സര്‍ക്കാരിനൊപ്പം നിന്ന് നമുക്ക് സഹായിക്കാം.
അമേരിക്കയിലും കാനഡയിലുമുള്ള മലയാളി അസോസിയേഷനുകളും വ്യക്തികളും അവരവര്‍ക്കാകുന്ന സഹായങ്ങള്‍ മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന ചെയ്യണമെന്ന് അമേരിക്കയില്‍ നിന്നുള്ള ലോക കേരള സഭാ അംഗങ്ങള്‍ അപേക്ഷിക്കുന്നു.
