കാരക്കസ്: വെനിസ്വേലക്കെതിരെയുള്ള നടപടികളുടെ ഭാഗമായി അറ്റ്ലാന്റിക് സമുദ്രത്തില് യു എസ് പിടിച്ചെടുത്ത റഷ്യന് പതാകയുള്ള എണ്ണക്കപ്പലില് മൂന്ന് ഇന്ത്യക്കാര് ഉള്പ്പടെ 28 ജീവനക്കാരുണ്ടെന്ന് സൂചനകള്. റഷ്യന് പതാകയുള്ള വെനസ്വേലയുടെ മറിനേര എന്ന കപ്പലാണ് യു എസ് പിടിച്ചെടുത്തത്. മൂന്ന് ഇന്ത്യക്കാരെ കൂടാതെ ആറു ജോര്ജിയന് സ്വദേശികള്, 17 യുക്രെയ്ന് സ്വദേശികള്, രണ്ടു റഷ്യക്കാര് എന്നിവരടക്കം 28 ജീവനക്കാരാണ് കപ്പലില് ഉള്ളത്.
ഐസ്ലാന്ന്റിന്റെ തീരത്തു നിന്ന് 222 കിലോമീറ്റര് അകലെയാണ് കപ്പല് പിടികൂടിയത്. യു എസ് സൈനിക ഹെലികോപ്റ്ററുകള് കപ്പലിനു മുകളില് വട്ടമിടുന്നതിന്റെ ദൃശ്യം റഷ്യന് ടി വി പുറത്തു വിട്ടിരുന്നു. ഇറാനുമായി എണ്ണ വ്യാപാരം നടത്തിയതിന് യു എസ് വിലക്കിയിരുന്ന ബെല്ല 1 (മറിനേര) എന്ന കപ്പലാണ് പിടിച്ചത്. കപ്പലില് ക്രൂഡ് ഓയില് ഇല്ലെന്നാണ് റിപ്പോര്ട്ട്.