ടെഹ്്‌റാന്‍: തെക്കന്‍ ഇറാനിയന്‍ നഗരമായ ബന്ദര്‍ അബ്ബാസിലെ ഷഹീദ് രജായി തുറമുഖത്തുണ്ടായ വന്‍ സ്‌ഫോടനത്തില്‍ മരണം 25 ആയി. 750ലധികം പേര്‍ക്കാണ് പരുക്കേറ്റത്.
തുറമുഖത്ത് സൂക്ഷിച്ചിരുന്ന കണ്ടെയ്‌നറുകളിലാണ് സ്‌ഫോടനമുണ്ടായത്. സംഭവത്തില്‍ ഇറാന്‍ പ്രസിഡന്റ് ഉന്നതതല അന്വേഷണം പ്രഖ്യാപിച്ചു. സ്‌ഫോടനത്തിന്റെ ആഘാതത്തില്‍ 50 കിലോമീറ്ററോളം ചുറ്റളവില്‍ പ്രകമ്പനമുണ്ടായെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്.
പ്രദേശത്ത് വന്‍ നാശനഷ്ടമുണ്ടായി. കനത്ത പുക കാരണം സ്ഥലത്ത് നിന്ന് 20 കിലോമീറ്ററിലധികം അകലെയുള്ള ബന്ദര്‍ അബ്ബാസിലെ സ്‌കൂളുകളും ഓഫിസുകളും അടച്ചിടാന്‍ അധികൃതര്‍ ഉത്തരവിട്ടു.