ലെബനോണിലെ തെക്കൻ പ്രദേശങ്ങളിൽ ഇസ്രായേൽ നടത്തിയ പുതിയ വ്യോമാക്രമണങ്ങളിൽ കുറഞ്ഞത് 20 പേർ കൊല്ലപ്പെട്ടു. സുരക്ഷാ സേനാംഗങ്ങൾ ഉൾപ്പെടെ നിരവധി പേർ മരണപ്പെട്ടതോടെ മേഖലയിൽ സംഘർഷം രൂക്ഷമായി. ആലശൃൗ േഉൾപ്പെടെയുള്ള പ്രദേശങ്ങളിൽ ഉണ്ടായിരുന്ന താൽക്കാലിക ശാന്തതയ്ക്ക് പിന്നാലെയാണ് ഈ വലിയ ആക്രമണം ഉണ്ടായത്.
തെക്കൻ ലെബനോണിലെ നബാതിയ നഗരത്തിലാണ് ഏറ്റവും കൂടുതൽ നാശമുണ്ടായത്. നിരവധി വീടുകളും കെട്ടിടങ്ങളും തകർന്നു. ലെബനോണിന്റെ ഔദ്യോഗിക റിപ്പോർട്ടുകൾ പ്രകാരം 12 സുരക്ഷാ ഉദ്യോഗസ്ഥർ കൊല്ലപ്പെടുകയും പലർക്കും പരിക്കേൽക്കുകയും ചെയ്തു.
ഇസ്രായേൽ-ഹിസ്ബുള്ള സംഘർഷം ആരംഭിച്ചതിനുശേഷം ലെബനീസ് സേനക്കെതിരെ നടന്ന ഏറ്റവും വലിയ ആക്രമണങ്ങളിലൊന്നാണിത്. യുദ്ധത്തിൽ നേരിട്ട് പങ്കില്ലാത്ത ലെബനീസ് സൈന്യത്തിനെതിരായ ആക്രമണം സ്ഥിതിഗതികൾ കൂടുതൽ ഗുരുതരമാക്കുകയാണ്.
ഇതിനിടെ, ഇസ്ലാമാബാദിൽ നടക്കാനിരിക്കുന്ന സമാധാന ചർച്ചകൾക്കും ഈ ആക്രമണം തിരിച്ചടിയായി. ചർച്ചകൾ ആരംഭിക്കുന്നതിന് മുൻപ് ലെബനോണിൽ വെടിനിർത്തലും ഇറാന്റെ തടഞ്ഞുവച്ച ആസ്തികൾ വിട്ടുകൊടുക്കുന്നതും നിർബന്ധമാണെന്ന് ഇറാൻ പ്രതിനിധിസംഘത്തെ നയിക്കുന്ന മൊഹമ്മദ് ബാഗർ ഖാലീഫാഫ് , വ്യക്തമാക്കി.
കഴിഞ്ഞ ദിവസങ്ങളിൽ ലെബനോണിലുടനീളം ഇസ്രായേൽ നടത്തിയ വ്യോമാക്രമണങ്ങളിൽ നൂറുകണക്കിന് പേർ കൊല്ലപ്പെടുകയും ആയിരത്തിലധികം പേർക്ക് പരിക്കേൽക്കുകയും ചെയ്തിരുന്നു. മറുപടിയായി ഹിസ്ബുള്ള ഇസ്രായേലിനെ ലക്ഷ്യമാക്കി ആക്രമണം തുടരുന്നു.
ലെബനീസ് പ്രസിഡന്റ് ജോസഫ് ആവോൻ, രാജ്യത്തിന്റെ സ്ഥാപനങ്ങളെയും സുരക്ഷാ സംവിധാനങ്ങളെയും ലക്ഷ്യമിടുന്ന ആക്രമണങ്ങൾ ലെബനോണിന്റെ സ്വാധീനം സംരക്ഷിക്കാനുള്ള തങ്ങളുടെ ശ്രമങ്ങളെ തടയില്ലെന്ന് പ്രതികരിച്ചു.
മേഖലയിലെ സംഘർഷം ശക്തമാകുന്നതിനിടെ, അമേരിക്ക-ഇറാൻ ചർച്ചകൾക്ക് മുന്നോടിയായ അന്തരീക്ഷം കൂടുതൽ അനിശ്ചിതത്വത്തിലേക്കാണ് നീങ്ങുന്നത്.
ലെബനോണിൽ ഇസ്രായേൽ വ്യോമാക്രമണം ശക്തം: 20 മരണം, സമാധാന ചർച്ചകൾക്ക് ഭീഷണി
