ഷിക്കാഗോ: ഷിക്കാഗോ രൂപതയുടെ ജൂബിലി ആഘോഷങ്ങളുടെ കണ്വെന്ഷന്റെ കിക്കോഫ് ന
ന്നു. ന്യൂയോര്ക്കിലെ റോക്ക്ലാന്ഡ് ഹോളി ഫാമിലി സീറോ മലബാര് പള്ളിയില് ജൂബിലി കണ്വീനര് ഫാ. ജോണ് മേലേപ്പുറത്തില് കിക്കോഫിന് നേതൃത്വം നല്കി.
ഇടവകയില് എത്തിച്ചേര്ന്ന അച്ചനെയും ജൂബിലി ചെയര്മാന് ജോസ് ചാമക്കാലയെയും ഇടവക വികാരി ഫാ. സ്റ്റീഫന് കണിപ്പള്ളിലിന്റെ നേതൃത്വത്തില് ഇടവകാംഗങ്ങള് ഹൃദ്യമായി സ്വീകരിച്ചു. സന്തോഷ് വര്ഗീസ്, ചെറിയാന് മാത്യു, ജോസഫ് പള്ളിപുറത്തുകുന്നേല്, ജോയ് തറത്തട്ടേല്, ജെസി ജോസഫ്, തോമസ് പാലാച്ചേരി, ഷൈന് റോയ് എന്നിവര് കിക്കോഫിന് നേതൃത്വം നല്കി. ഫാ. ജോണ് തന്റെ സന്ദേശത്തില് ഈ കണ്വെന്ഷന്റെ ആവശ്യകതയെകുറിച്ചു വിശദീകരിച്ചു. വിശ്വാസവും അറിവും സൗഹൃദങ്ങളും പങ്കുവയ്ക്കുവാനുള്ള അനുഗ്രഹീതമായ ഒരു വേദിയായി ഈ കണ്വെന്ഷനെ കാണണമെന്നും യുവജനങ്ങളെ പ്രത്യേകം ഇതിലേക്ക് കൊണ്ടുവരണമെന്നും പിതാവ് ആഹ്വാനം ചെയ്തു.ജോസ് ചാമക്കാല രജിസ്ട്രേഷന്, സ്പോണ്സര്ഷിപ്പ്, കണ്വെന്ഷന് പരിപാടികള് എന്നിവ വിശദീകരിച്ചു. രൂപതയുടെ പ്രഥമ ഇടയന് മാര് ജേക്കബ് അങ്ങാടിയത്തിന്റെ മെത്രാഭിഷേക ജൂബിലി കൂടി ഇതോടൊപ്പം ആഘോഷിക്കുകയാണ്.
2026 ജൂലൈ മാസം 9 മുതല് 12 വരെ അതിമനോഹരമായ ഷിക്കാഗോ നഗരത്തില് ആഘോഷപൂര്വ്വമായി നടക്കുന്ന ഈ കണ്വെന്ഷന്റെ വേദി നഗരഹൃദയത്തില് സ്ഥിതി ചെയ്യുന്ന അതിപ്രശസ്തമായ മക്കോര്മിക് പ്ലേസും അതോട് ചേര്ന്ന മൂന്ന് ഹോട്ടലുകളും ആണ്. കണ്വെന്ഷന് ടീം രൂപതയിലെ ഇടവകകളില് സന്ദര്ശനം നടത്തി രജിസ്ട്രേഷന്റെയും മറ്റു പരിപാടികളുടെയും വിശദമായ രൂപരേഖകള് അവതരിപ്പിച്ചു വരുന്നു. നേരിട്ടുള്ള ഈ സന്ദര്ശനങ്ങളും ആശയവിനിമയവും വളരെ സ്വാഗതാര്ഹമാണെന്ന് ഇടവക വികാരിമാരും കണ്വെന്ഷന് പ്രതിനിധികളും പറയുകയുണ്ടായി. വിശ്വാസ സംരക്ഷണത്തിനും, ആശയവിനിമയത്തിനും, സൗഹൃദ കൂട്ടായ്മകള്ക്കുംഉതകുന്ന വിധത്തില് കണ്വെന്ഷന് ക്രമീകരിക്കുവാന് ഏവരും ഒറ്റക്കെട്ടായി പരിശ്രമിച്ചു വരുന്നു.