വാഷിംഗ്ടണ്‍ ഡിസി: ഫാമിലി/ യൂത്ത് കോണ്‍ഫറന്‍സ് കിക്കോഫും രജിസ്‌ട്രേഷനും വാഷിംഗ്ടണ്‍ ഡി സി സെന്റ് ഗ്രിഗോറിയോസ് ഓര്‍ത്തഡോക്‌സ് ഇടവകയില്‍ നടന്നു. ഫിലിപ്പ് തങ്കച്ചന്‍, ഷെറിന്‍ എബ്രഹാം, അനിത ഫിലിപ്പ്, ബിന്ദു റിനു, മാത്യു ജോഷ്വ എന്നിവരടങ്ങുന്ന ടീമിനെ പരിചയപ്പെടുത്തിക്കൊണ്ട് പരിപാടി ശ്രദ്ധേയമായി.
കുര്‍ബാനയ്ക്ക് ശേഷം ഡോ. ഷെറിന്‍ എബ്രഹാം കോണ്‍ഫറന്‍സ് ടീമിനെ പരിചയപ്പെടുത്തി. കോണ്‍ഫറന്‍സിന്റെ തിയ്യതി, സ്ഥലം, പങ്കെടുക്കുന്ന വിശിഷ്ട പ്രഭാഷകര്‍ എന്നിവയുള്‍പ്പെടെ കോണ്‍ഫറന്‍സിനെക്കുറിച്ചുള്ള പ്രധാന വിവരങ്ങള്‍ ഡോ. എബ്രഹാം പങ്കുവച്ചു. കോണ്‍ഫറന്‍സിന്റെ രജിസ്‌ട്രേഷന്‍ പ്രക്രിയയെക്കുറിച്ച് ഫിലിപ്പ് തങ്കച്ചന്‍ വിശദീകരിച്ചു. വ്യക്തികള്‍ക്കും ബിസിനസുകള്‍ക്കും കോണ്‍ഫറന്‍സിനെ പിന്തുണയ്ക്കുന്നതിനായി ലഭ്യമായ വിവിധ സ്‌പോണ്‍സര്‍ഷിപ്പ് അവസരങ്ങളെക്കുറിച്ച് മാത്യു ജോഷ്വ എടുത്തു പറഞ്ഞു. കോണ്‍ഫറന്‍സുമായി ബന്ധപ്പെട്ട് സംഘടിപ്പിക്കുന്ന സുവനീറിനെയും എന്റര്‍ടൈന്‍മെന്റ് നെറ്റിനെയും കുറിച്ചുള്ള ആവേശകരമായ വിവരങ്ങള്‍ ബിന്ദു റിനു പങ്കുവെച്ചു.
ഇടവക വികാരി ഫാ. ലാബി ജോര്‍ജ്, എല്ലാ ഇടവകാംഗങ്ങളും എത്രയും വേഗം രജിസ്റ്റര്‍ ചെയ്തുകൊണ്ട് കോണ്‍ഫറന്‍സിനെ പിന്തുണയ്ക്കണമെന്ന് അഭ്യര്‍ഥിച്ചുകൊണ്ട് പ്രോത്സാഹജനകമായ ഒരു സന്ദേശം നല്‍കി.
ഫാമിലി കോണ്‍ഫറന്‍സ് സുവനീറിന് ഇടവകയുടെ സംഭാവന ഭാരവാഹികള്‍ കോണ്‍ഫറന്‍സ് ടീമിന് കൈമാറി.
നിരവധി പേര്‍ സുവനീറില്‍ ആശംസകള്‍ സമര്‍പ്പിച്ചുകൊണ്ട് തങ്ങളുടെ പിന്തുണ അറിയിച്ചു.
കോണ്‍ഫറന്‍സിന് പ്രാര്‍ഥനാപൂര്‍വ്വമായ പിന്തുണ നല്‍കിയ വികാരിക്കും ഇടവകാംഗങ്ങള്‍ക്കും ഡോ. ഷെറിന്‍ എബ്രഹാം നന്ദി അറിയിച്ചു.
2025 ജൂലൈ 9 മുതല്‍ 12 വരെ കണക്ടിക്കട് ഹില്‍ട്ടണ്‍ സ്റ്റാംഫര്‍ഡ് ഹോട്ടല്‍ ആന്റ് എക്സിക്യൂട്ടീവ് മീറ്റിംഗ് സെന്ററിലാണ് കോണ്‍ഫറന്‍സ് നടക്കുന്നത്. റവ. ഡോ. നൈനാന്‍ വി ജോര്‍ജ് (ഓര്‍ത്തഡോക്‌സ് വൈദിക സംഘം ജനറല്‍ സെക്രട്ടറി), റവ. ഡോ. റ്റിമത്തി (ടെന്നി), തോമസ് (നോര്‍ത്ത് ഈസ്റ്റ് അമേരിക്കന്‍ ഭദ്രാസന സണ്‍ഡേ സ്‌കൂള്‍ ഡയറക്ടര്‍), ഫാ. ജോണ്‍ (ജോഷ്വ) വര്‍ഗീസ്, (സൗത്ത് വെസ്റ്റ് അമേരിക്കന്‍ ഭദ്രാസന യൂത്ത് മിനിസ്റ്റര്‍), റവ. ഡീക്കന്‍ അന്തോണിയോസ് (റോബി), ആന്റണി (ടാല്‍മീഡോ- നോര്‍ത്ത് ഈസ്റ്റ് അമേരിക്കന്‍ ഭദ്രാസന മെന്‍സ് മിനിസ്ട്രി ഡയറക്ടര്‍) എന്നിവരാണ് മുഖ്യപ്രാസംഗികര്‍. 'നമ്മുടെ പൗരത്വം സ്വര്‍ഗത്തിലാണ്, അവിടെനിന്നുള്ള ഒരു രക്ഷകനായ കര്‍ത്താവായ യേശുക്രിസ്തുവിനെ ഞങ്ങള്‍ ആകാംക്ഷയോടെ കാത്തിരിക്കുന്നു' (ഫിലിപ്പിയര്‍ 3:20) എന്ന ബൈബിള്‍ വാക്യത്തെ അടിസ്ഥാനമാക്കിയുള്ള ദി വേ ഓഫ് ദി പില്‍ഗ്രിം (പരദേശിയുടെ വഴി) എന്നതാണ് കോണ്‍ഫറന്‍സിന്റെ പ്രമേയം. ബൈബിള്‍, വിശ്വാസം, പാരമ്പര്യം, സമകാലിക വിഷയങ്ങള്‍ എന്നിവയെ അടിസ്ഥാനമാക്കി കുട്ടികള്‍ക്കും യുവജനങ്ങള്‍ക്കും മുതിര്‍ന്നവര്‍ക്കും പ്രത്യേകം സംവേദനാത്മക സെഷനുകള്‍ ഉണ്ടായിരിക്കും.
രജിസ്‌ട്രേഷനും വിശദാംശങ്ങള്‍ക്കും www.fycnead.org സന്ദര്‍ശിക്കുക.
കൂടുതല്‍ വിവരങ്ങള്‍ക്ക് ഫാ. അബു വര്‍ഗീസ് പീറ്റര്‍, കോണ്‍ഫറന്‍സ് കോര്‍ഡിനേറ്റര്‍ (ഫോണ്‍: 914-806-4595), ജെയ്സണ്‍ തോമസ്, കോണ്‍ഫറന്‍സ് സെക്രട്ടറി (ഫോണ്‍: 917.612.8832), ജോണ്‍ താമരവേലില്‍ (കോണ്‍ഫറന്‍സ് ട്രഷറര്‍ ഫോണ്‍: 917.533.3566) എന്നിവരുമായി ബന്ധപ്പെടുക.