ഫിലഡല്‍ഫിയാ: മലയാളി അസോസിയേഷന്‍ ഓഫ് ഗ്രേറ്റര്‍ ഫിലഡല്‍ഫിയായുടെ (മാപ്പ്) ആഭിമുഖ്യത്തില്‍ എല്ലാ വര്‍ഷവും വിപുലമായ രീതിയില്‍ നടത്തിവരാറുള്ള 'മാപ്പ് മദേഴ്സ് ഡേ ആഘോഷം' മെയ് 10ന് ശനിയാഴ്ച വൈകിട്ട് 5:30ന് മാപ്പ് ഇന്ത്യന്‍ കമ്മ്യൂണിറ്റി സെന്ററില്‍ വിപുലമായ പരിപാടികളോടെ നടക്കും.
സ്റ്റേറ്റ് യൂണിവേഴ്‌സിറ്റി ഓഫ് ന്യൂയോര്‍ക്കിലെ ജെയിംസ്ടൗണ്‍ കമ്മ്യൂണിറ്റി കോളേജ് സോഷ്യല്‍ സയന്‍സ് ആന്റ് ഡിപ്പാര്‍ട്ട്മെന്റ് ഓഫ് ഹ്യുമാനിറ്റീസ് ഇന്‍സ്ട്രക്ടര്‍ സിബി സണ്ണി തോമസ് എന്ന പ്രതിഭയാണ് ഈ വര്‍ഷത്തെ മദേഴ്സ് ഡേയ്ക്ക് മുഖ്യാതിഥിയായി പങ്കെടുക്കുന്നതെന്ന് വുമണ്‍സ് ഫോറം ചെയര്‍പേഴ്സണ്‍ ദീപ തോമസ് പറഞ്ഞു.
അമ്മമാരെ ആദരിക്കുന്ന ചടങ്ങും വിവിധ കലാ പരിപാടികളും വിഭവസമൃദ്ധമായ ഡിന്നറും ഉണ്ടായിരിക്കും.