ഫിലഡല്‍ഫിയാ: ഫിലഡല്‍ഫിയായിലും പരിസരപ്രദേശങ്ങളിലുമുള്ള മലയാളികളുടെ പരസ്പര സഹകരണത്തിനും സൗഹൃദത്തിനും ഒത്തുകൂടലിനും അത്യാവശ്യ ഘട്ടങ്ങളിലെ വിലമതിക്കാനാവാത്ത സഹായങ്ങള്‍ക്കും ഊന്നല്‍ നല്‍കി ഒരുപറ്റം മലയാളികളാല്‍ രൂപംകൊണ്ട 'സ്‌നേഹതീരം' എന്ന ഓമനപ്പേരില്‍ അറിയപ്പെടുന്ന 'ഗുഡ് സമരിറ്റന്‍ കമ്മ്യൂണിറ്റി'യുടെ ആദ്യ ഓണാഘോഷം ബൈബറി റോഡിലുള്ള സെന്റ് മേരിസ് ക്‌നാനായ ചര്‍ച്ച് ഹാളില്‍വച്ച് മികവുറ്റ രീതിയില്‍ വളരെ വിപുലമായ പരിപാടികളോടുകൂടി നടത്തി.
2024ലെ ഓണത്തിന് ഒന്നിച്ചുകൂടിയ ഒരുപറ്റം മലയാളി സൗഹൃദങ്ങളുടെയുള്ളില്‍ അന്ന് ഉദിച്ചുയര്‍ന്ന ആശയമാണ് 'സ്‌നേഹതീരം' എന്ന ഈ കൂട്ടായ്മ. നവംബര്‍ 1 കേരളപിറവി ദിനം ഔപചാരികമായി രൂപംകൊണ്ട ഈ സ്‌നേഹതീരത്തിന്റെ ആദ്യത്തെ ഓണം എന്ന പ്രാധാന്യത്തോടുകൂടി ആഘോഷിച്ച ഈ ഓണം, സ്‌നേഹതീരം വനിതാ വിംഗിന്റെ നേതൃത്വത്തില്‍ നടത്തപ്പെട്ടു എന്നതാണ് ഏറ്റവും വലിയ പ്രത്യേകത. വനിതാ പ്രാതിനിധ്യമുള്ള സ്റ്റേജും പ്രോഗ്രാമുകളുമാണ് ഈ ഓണപ്രോഗ്രാമില്‍ കൂടുതലായി ഉള്‍പ്പെടുത്തിയിരുന്നത്.
രാവിലെ 10 മണിക്ക് രജിട്രേഷന്‍ ആരംഭിച്ചു. തുടര്‍ന്ന് സ്‌നേഹതീരം വനിതകള്‍ ഒരുക്കിയ അതിമനോഹരമായ അത്തപ്പൂക്കളം കൊണ്ട് അലംകൃതമായ ഹാളിലേക്ക് ചെണ്ടമേളത്തിന്റെയും മുത്തുക്കുടകളുടെയും വാദ്യ മേളങ്ങളുടെയും കേരളത്തനിമയില്‍ അണിഞ്ഞൊരുങ്ങിയ താലപ്പൊലിയേന്തിയ മലയാളി മങ്കമാരുടെയും കേരള വേഷത്തില്‍ ഒരുങ്ങി എത്തിയ പരുഷന്മാരുടെയും അകമ്പടിയോടുകൂടി മാവേലി മന്നനെ ഓണാഘോഷ വേദിയിലേക്ക് സ്വീകരിച്ച് ആനയിച്ചു. തുടന്ന് പൊതുസമ്മേളനം പൂര്‍ണ്ണമായി സ്‌നേഹതീരത്തിലുള്ള അഗങ്ങളായ വനിതകള്‍ അണിനിരന്ന മനോഹര വേദിയായി മാറി. ഓണ സന്ദേശം, തിരുവാതിര കളി, ഗൃഹാതുരത്വമുണര്‍ത്തുന്ന ഓണപ്പാട്ടുകള്‍, നൃത്തങ്ങള്‍, കലാരൂപങ്ങള്‍ എന്നിവ ഓണാഘോഷത്തിന്റെ മാറ്റ് വര്‍ധിപ്പിച്ചു.
എല്ലാ ഓണ വിഭവങ്ങളും ഉള്‍പ്പെടുത്തിക്കൊണ്ട് മല്ലുകഫെ തയ്യാറാക്കിയ വിഭവ സമൃദ്ധമായ ഓണം സദ്യ ആഘോഷത്തിന്റെ തിളക്കം കൂട്ടി. കസേരകളി, മ്യൂസിക് ചെയര്‍, ബോട്ടിലില്‍ പേനയും നൂലും, സൂചിയും നുലും കോര്‍ക്കല്‍, സുന്ദരിക്ക് പൊട്ടുതൊടല്‍ എന്നീ മത്സരങ്ങളും ആഘോഷങ്ങക്ക് ഉത്സവച്ചാര്‍ത്തേകി. ഉമ്മന്‍ മത്തായിയുടെ ഓണം മെസ്സേജ്, റിനി ജോസഫ് ആലപിച്ച ഗാനം എന്നിവ ഏവരും നന്നായി ആസ്വദിച്ചു. മാവേലിയായി വര്‍ഗീസ് ജോണ്‍ തിളങ്ങി നിന്നു. അതിനുള്ള മേക്കപ്പ് ക്രമീകരണങ്ങള്‍ക്ക് നേതൃത്വം നല്‍കിയ ജോസഫ് തടവിനാലിന് പ്രത്യേകം നന്ദി പറഞ്ഞു. ഓണം മത്സരങ്ങളിലെ വിജയികള്‍ക്കുള്ള സമ്മാനങ്ങളും മറ്റു പ്രോത്സാഹന സമ്മാനങ്ങളും ജനുവരി 3ന് നടക്കുന്ന വാര്‍ഷികാഘോഷത്തില്‍ വിതരണം ചെയ്യുമെന്ന് സംഘാടകര്‍ അറിയിച്ചു.
സെപ്റ്റംബര്‍ 6ന് നടന്ന ഓണാഘോഷ പരിപാടികള്‍ കൂടുതല്‍ കളര്‍ഫുള്‍ ആക്കിയത് കലാപരിപാടികളിലെ പ്രധാന ഐറ്റമായ തിരുവാതിരകളിയായിരുന്നു. സ്‌നേഹതീരം കള്‍ച്ചറല്‍ കോര്‍ഡിനേറ്റര്‍ കുമാരി കെസിയ സക്കറിയയുടെ നേതൃത്വത്തില്‍ നടത്തിയ തിരുവാതിര ഇതിനോടകം തന്നെ പ്രശ്സ്തിയാര്‍ജിച്ചു.
കൊച്ചുകോശി ഉമ്മന്‍, സാജന്‍ തോമസ്, സക്കറിയ തോമസ്, ജോസ് സക്കറിയ, അനില്‍ ബാബു, ഷിബു മാത്യു, ബെന്നി മാത്യു, ദിനേഷ് ബേബി, വര്‍ഗീസ് ജോണ്‍, ജെയിംസ് പീറ്റര്‍, കുര്യന്‍ കൊച്ചുപിലാപറമ്പില്‍, തങ്കച്ചന്‍ സാമൂവേല്‍ എന്നിവരടങ്ങുന്ന വിപുലമായ കമ്മറ്റി പരിപാടികളുടെ വിജയത്തിനായി പ്രവര്‍ത്തിച്ചു
കെസിയ സക്കറിയ, ബിജു എബ്രഹാം, സുജ കോശി, ആനി സക്കറിയ, സജിനി ബാബു, ജോയമ്മ ചാക്കോ, സുനിത എബ്രഹാം, ദിവ്യ സാജന്‍, സുനു വര്‍ഗീസ്, ലൈസാമ്മ ബെന്നി, ഡെയ്‌സി കുര്യന്‍, ലീലാമ്മ വര്‍ഗീസ് എന്നിവരാണ് കള്‍ച്ചറല്‍ പ്രാഗ്രാമിന് നേതൃത്വം നല്‍കിയത്.
താലപ്പൊലിയുടെ ക്രമീകരണങ്ങള്‍ക്ക് ലീലാമ്മ വര്‍ഗീസ്, സുജ കോശി, സൂസി ജേക്കബ്, കുഞ്ഞുമോള്‍ തങ്കച്ചന്‍, ദിവ്യ സാജന്‍, ജയ ഷിബു വര്‍ഗീസ്, ലാലി ജെയിംസ്, എന്നിവരും ചെണ്ടമേളത്തിന്: അലന്‍ ഷിബു വര്‍ഗീസ്, സേവിയര്‍ ആന്റണി, ജോനാ തോമസ് എന്നിവരും തിരുവാതിരകളിക്ക് കെസിയ സക്കറിയ, സുജ കോശി, ഫെയ്ത്ത് യല്‍ദോ, ഹന്നാ യല്‍ദോ, റോളി യല്‍ദോ, അബിഗെയ്ല്‍ യല്‍ദോ, ദിവ്യ സാജന്‍, എല്‍ന തോമസ് എന്നിവരും നേതൃത്വം നല്‍കി.
സ്‌നേഹതീരം ഓണപ്പരിപാടിയുടെ ഈ വന്‍ വിജയം, വന്നു ചേര്‍ന്ന ഏവരുടെയും വിജയമാണ്.