ലണ്ടന്‍: വംശീയ അധിക്ഷേപം നടത്തി ഇന്ത്യന്‍ യുവതിയെ രണ്ടുപേര്‍ യു കെയില്‍ കൂട്ടബലാത്സംഗം നടത്തി. തദ്ദേശീയരായ യുവാക്കളാണ് 20കാരിയായ സിഖ് യുവതിയെ ബലാത്സംഗം ചെയ്തതെന്നാണ് റിപ്പോര്‍ട്ടുകള്‍. യുവതിയോടെ രാജ്യത്തേക്ക് മടങ്ങാന്‍ ആവശ്യപ്പെട്ടതായും വിവരമുണ്ട്.
സംഭവത്തില്‍ പൊലീസ് കേസെടുത്ത് അന്വേഷണമാരംഭിച്ചു. സി സി ടി വി ദൃശ്യങ്ങള്‍ പരിശോധിക്കുകയും ഫോറന്‍സിക് പരിശോധന നടത്തുകയും ചെയ്തു. ഈ സംഭവം പ്രദേശത്തെ സിഖ് സമൂഹത്തിന്റെ പ്രതിഷേധത്തിന് കാരണമായി. വംശീയലക്ഷ്യത്തോടെയുള്ള ആക്രമണം എന്ന നിലയ്ക്കാണ് അവര്‍ സംഭവത്തെ നോക്കിക്കാണുന്നത്.