കേരളത്തില്‍ 1996 വരെ സുലഭമായി കിട്ടിയിരുന്ന വിലകുറഞ്ഞ നാടന്‍ മദ്യമായിരുന്നു ചാരായം. ഏംഗീകൃത ഷാപ്പുകളിലും കുടില്‍ വ്യവസായം പോലെ നാട്ടുമ്പുറങ്ങളിലും ചാരായവും വാറ്റുചാരായവും മലയാളിയുടെ കൈയ്യെത്തും ദൂരത്തില്‍ തന്നെ കിട്ടുമായിരുന്നു. പക്ഷെ ആവര്‍ത്തിച്ചു വന്ന മദ്യ ദുരന്തങ്ങള്‍ നിരവധി പേരുടെ ജീവന്‍ കവര്‍ന്ന പശ്ചാത്തലത്തില്‍ അന്നത്തെ മുഖ്യമന്ത്രിയായിരുന്നു എ.കെ ആന്റണി സംസ്ഥാനത്ത് ചാരായവും വാറ്റും നിരോധിച്ചതോടെ ഈ നാടന്‍ മദ്യം നാടുകടന്നു. ഇപ്പോള്‍ ഏതാനും വര്‍ഷങ്ങളായി വിദേശത്ത് പുതിയ പേരുകളില്‍ മലയാളികള്‍ തന്നെ പുതിയ സംരംഭമായി ഏറ്റെടുത്തിരിക്കുകയാണ്.
മലയാളി ' ചാരായം വാറ്റ് ' ഒരു വ്യവസായമാക്കി എടുത്ത് വികസിപ്പിക്കുന്ന കഥകളാണ് ലോകത്തെവിടെ നിന്നും വരുന്നത്. കാനഡയില്‍ മലയാളി വികസിപ്പിച്ച മന്ദാകിനി നാടന്‍ വാറ്റ്. പോളണ്ടില്‍ മലയാളി ഉത്പാദിപ്പിക്കുന്ന മലയാളി ബിയര്‍. കേരളത്തില്‍നിന്നു ജാതിക്കത്തൊണ്ട് കാനഡയില്‍ എത്തിച്ച് വോഡ്ക ഉണ്ടാക്കി വില്‍ക്കുന്ന മലയാളി. ഇനിയും അറിയാത്ത കഥകള്‍ വേറെയും ഉണ്ടാകും.
ഇംഗ്ലണ്ടില്‍ കള്ളുഷാപ്പ് നടത്തുന്ന മലയാളിയുമുണ്ട്. നാട്ടില്‍നിന്ന് ആവശ്യത്തിന് നല്ല ഗുണമുള്ള കള്ള് കിട്ടാത്തതിനാല്‍ ആഫ്രിക്കയില്‍ നിന്നാണ് അവര്‍ യുകെയില്‍ കള്ള് എത്തിക്കുന്നത്. ഓസ്ട്രേലിയയില്‍ ഡാര്‍വിനില്‍ പ്രധാനപ്പെട്ട പബ്ബ് നടത്തുന്നത് ഒരു മലയാളിയാണ്.
ബ്രാന്‍ഡഡ് മന്ദാകിനിയും തൈക്കയും , അരക്ക് ബ്രാന്‍ഡുകള്‍ക്ക് ഇതുവരെ വലിയ ചില്ലറ സാന്നിധ്യമോ വലിയ ഉപഭോക്തൃ അടിത്തറയോ ഉള്ള മദ്യങ്ങളല്ല. പക്ഷേ ഒന്നോ രണ്ടോ സിപ്പ് കഴിച്ചവര്‍ പിന്നെ അവ തുടര്‍ച്ചയായി ഉപയോഗിക്കും എന്ന തരത്തില്‍ ഗുണനിലവരമുള്ളവയാണ്.
ഇന്ത്യന്‍ എയര്‍പോര്‍ട്ടുകളിലെ ചില ഡ്യൂട്ടി ഫ്രീ സ്റ്റോറുകളില്‍ ഇപ്പോള്‍ മന്ദാകിനി ലഭ്യമാണ്. കാനഡയിലും യുഎസിലും അരക്ക് ബ്രാന്‍ഡുകള്‍ തദ്ദേശീയ ഇന്ത്യന്‍ മദ്യത്തിന്റെ വിഭാഗത്തിലാണ് വില്‍ക്കുന്നത്.
എറണാകുളത്ത് നിന്ന് കുടിയേറിയ മൂന്ന് മലയാളികള്‍ ചേര്‍ന്ന് 2021 ഓഗസ്റ്റിലാണ് മന്ദാകിനി കാനഡയില്‍ ആരംഭിച്ചത്. ഇതിന് 2022-ല്‍ യു.എസ്.എ സ്പിരിറ്റ്‌സ് റേറ്റിംഗ് സില്‍വര്‍ അവാര്‍ഡ് ലഭിച്ചു. മധ്യകേരളത്തില്‍ നിന്നുള്ള മറ്റ് രണ്ട് മലയാളികളുടെ പിന്തുണയോടെ ടൈക്ക, 2022 ഡിസംബര്‍ 31-ന് കാനഡയില്‍ സോഫ്റ്റ് ലോഞ്ച് ചെയ്തു. കനേഡിയന്‍ വിസ്‌കിയുടെ രചയിതാവായ ഡേവിന്‍ ഡി കെര്‍ഗോമ്മോക്സിന്റെ നിരൂപണങ്ങള്‍ ഉള്‍പ്പെടെയുള്ള അഭിനന്ദനാര്‍ഹമായ അവലോകനങ്ങള്‍ കേരളീയ മദ്യത്തിന്റെ വിപണിക്ക് പ്രചോദനമേകി.
''തൈകയും മന്ദാകിനിയും ജനപ്രിയമായിക്കൊണ്ടിരിക്കുന്നു...പലര്‍ക്കും ഇത് ഒരു ഇന്ത്യന്‍ തദ്ദേശീയ പാനീയത്തിന്റെ ആദ്യ രുചിയാണ്''-ഒന്റാറിയോയിലെ ബെല്ലെവില്ലെയിലെ ഇറ്റാലിയന്‍ റെസ്റ്റോറന്റായ ലിംഗൈനിലെ ഷെഫ് നിക്ക് മൂര്‍ പറയുന്നു.
സഹോദരന്‍ ഏലിയാസ്, സുഹൃത്ത് സരീഷ് കുഞ്ഞപ്പന്‍ എന്നിവരോടൊപ്പം മന്ദാകിനി ആരംഭിച്ച അഭീഷ് ചെറിയാന്‍ ടെക്‌സ്‌റ്റൈല്‍ എഞ്ചിനീയറിംഗ് പഠിക്കാന്‍ വേണ്ടിയാണ് കാനഡയിലേക്ക് കുടിയേറിയത്. എന്നാല്‍ നിരവധി ജോലികള്‍ക്ക് ശേഷം അദ്ദേഹം സ്വന്തം സംരംഭത്തിന് തുടക്കംകുറിക്കുകയായിരുന്നു.
നാടുകടത്തിയ ചാരായം വാറ്റിനെ വിദേശത്ത് പണം വാരുന്ന വ്യവസായമാക്കി പ്രവാസി മലയാളികള്‍
