ന്യൂഡല്‍ഹി: സൈനിക ചരക്കുകളുമായി ആറ് തുര്‍ക്കിഷ് സി-130 ഹെര്‍ക്കുലീസ് ട്രാന്‍സ്‌പോര്‍ട്ട് വിമാനങ്ങള്‍ ഞായറാഴ്ച പാകിസ്ഥാനില്‍ ഇറങ്ങിയതായി റിപ്പോര്‍ട്ടുകള്‍ പുറത്തുവന്നതോടെ ഇന്ത്യന്‍ സോഷ്യല്‍ മീഡിയയില്‍ രോഷം ഉയര്‍ന്നു. തുര്‍ക്കി ടൂറിസത്തെയും എയര്‍ലൈനുകളെയും രാജ്യവ്യാപകമായി ബഹിഷ്‌കരിക്കണമെന്ന് ആവശ്യപ്പെട്ടു.
സോഷ്യല്‍ മീഡിയ ഉപയോക്താവായ പവന്‍ ദുറാനി എഴുതി, ''തുര്‍ക്കിയില്‍ ഭൂകമ്പം ഉണ്ടായി ഒരു മണിക്കൂറിനുള്ളില്‍ ഇന്ത്യ ആദ്യമായി ദുരിതാശ്വാസ സംഘങ്ങളെ അയച്ച 'ഓപ്പറേഷന്‍ ദോസ്ത്' നിങ്ങളില്‍ എത്ര പേര്‍ക്ക് ഓര്‍മ്മയുണ്ട്. പാമ്പുകള്‍...'' 2023-ലെ തുര്‍ക്കിയിലെ ഭൂകമ്പ പ്രതിസന്ധിയില്‍ ഇന്ത്യ വേഗത്തില്‍ മാനുഷിക പിന്തുണ നടത്തിയെന്നും എന്നാല്‍ ഇപ്പോഴത്തെ സംഭവം തുര്‍ക്കിയുടെ വഞ്ചനയായി പലരും കരുതുകയും ചെയ്തതിന്റെ നിരാശയാണ് പരാമര്‍ശങ്ങളില്‍ പ്രതിഫലിപ്പിച്ചത്.
സുരക്ഷാ വിശകലന വിദഗ്ധന്‍ സുശാന്ത് സരീന്‍ പ്രതികരിച്ചത് ''ഈ പാമ്പുകളെ പോറ്റുന്നവരെ നിങ്ങള്‍ എന്താണ് വിളിക്കുക? തുര്‍ക്കികള്‍ ചെയ്യാന്‍ ആഗ്രഹിക്കുന്നത് ചെയ്യുന്നു. നമ്മള്‍ മണ്ടന്മാരാണ്'' എന്നായിരുന്നു.
ഭൗമരാഷ്ട്രീയ നിരീക്ഷകയും എഴുത്തുകാരിയുമായ സ്വസ്തി റാവു ഈ പ്രശ്‌നത്തിന്റെ ഗൗരവം ഊന്നിപ്പറഞ്ഞു: ''തുര്‍ക്കിഷ് സി130 ഹെര്‍ക്കുലീസ് ട്രാന്‍സ്‌പോര്‍ട്ട് വിമാനങ്ങള്‍ പാകിസ്ഥാനില്‍ ലാന്‍ഡ് ചെയ്യുന്നത് ഇന്ത്യയില്‍ ശ്രദ്ധിക്കപ്പെടുന്നത് കണ്ടതില്‍ സന്തോഷം. തുര്‍ക്കി ഇന്ത്യാ വിരുദ്ധ വാചാടോപത്തോടെ പാകിസ്ഥാനെ ആയുധമാക്കുന്നുണ്ട്,' അവര്‍ എക്സില്‍ എഴുതി. 'ഞങ്ങള്‍ സാധാരണയായി ചൈനയെക്കുറിച്ച് മാത്രമേ ചര്‍ച്ച ചെയ്യുന്നുള്ളൂ.' പാകിസ്ഥാന്‍ മാത്രമല്ല, തുര്‍ക്കി ബംഗ്ലാദേശിനെയും ആയുധമാക്കുന്നുണ്ടെന്ന് റാവു പറഞ്ഞു. 'ഇത് ആശങ്കാജനകമാണ്.'
മറ്റൊരു സോഷ്യല്‍ മീഡിയ ഉപയോക്താവായ അരവിന്ദ്, തുര്‍ക്കി ബഹിഷ്‌കരിക്കാന്‍ ഇന്ത്യന്‍ യാത്രക്കാരോട് അഭ്യര്‍Lിച്ചു. 'പാക്, ചൈന എന്നിവയുമായുള്ള കൂട്ടുകെട്ടില്‍ തുര്‍ക്കി വര്‍ഷം തോറും ഇന്ത്യയുടെ സാമ്പത്തിക, ഭൗമരാഷ്ട്രീയ താldhര്യങ്ങള്‍ക്ക് ദോഷം വരുത്തുമ്പോള്‍ പോലും തുര്‍ക്കിയിലേക്കുള്ള ഇന്ത്യന്‍ ടൂറിസം വര്‍ഷം തോറും വര്‍Oിച്ചുകൊണ്ടിരിക്കുകയാണ്. പാകിസ്ഥാനെ ഒരു പ്രോക്സിയായി ഉപയോഗിച്ച് ഇന്ത്യയ്ക്കെതിരെ നേരിട്ടുള്ള സൈനിക പിന്തുണയാണ് ഇപ്പോള്‍ നല്‍കുന്നത്. ഇന്ത്യക്കാര്‍ ദയവായി ഈ തീവ്രവാദി തുര്‍ക്കിയുടെ ടൂറിസം ബഹിഷ്‌കരിക്കുക.'
'ടര്‍ക്കിഷ് എയര്‍വേയ്സില്‍ സഞ്ചരിക്കുന്നവരോ തുര്‍ക്കിയിലേക്ക് യാത്ര ചെയ്യുന്നവരോ ആയ നിങ്ങളുടെ കുടുംബത്തിലെയോ സുഹൃത്തുക്കളിലെയോ ആരെയും ലജ്ജയോടെ നോക്കൂ. നാണമില്ലാത്തവരും നട്ടെല്ലില്ലാത്തവരുമായി അവരെ നോക്കൂ. നമ്മുടെ എതിരാളികളെ അവരുടെ സ്വാര്‍L താത്പര്യങ്ങള്‍ക്കായി പിന്തുണയ്ക്കുന്നതില്‍ നിന്ന് നമ്മുടെ ബുദ്ധിശൂന്യരായ ചിലരെ തടയാനുള്ള ഒരേയൊരു മാര്‍ഗമാണിത്.'
പഹല്‍ഗാം ആക്രമണത്തിന് ശേഷം പാകിസ്ഥാന്റെ നിലപാടിനെ ചൈന പരസ്യമായി പിന്തുണച്ചതോടെയാണ് തുര്‍ക്കിക്കെതിരെ പ്രതിഷേധം ഉയര്‍ന്നത്. 'വേഗത്തിലുള്ളതും നീതിയുക്തവുമായ അന്വേഷണം' വേണമെന്ന് അവര്‍ ആവശ്യപ്പെട്ടു. ഇസ്ലാമാബാദിന്റെ 'പരമാധികാരത്തിനും സുരക്ഷാ താത്പര്യങ്ങള്‍ക്കും' പിന്തുണ ആവര്‍ത്തിച്ചുകൊണ്ട് തുര്‍ക്കി പാകിസ്ഥാനിലേക്ക് ആയുധങ്ങളും ഡ്രോണുകളും അയച്ചതായി റിപ്പോര്‍ട്ടുണ്ട്.