ന്യൂഡല്‍ഹി: പ്രധാനമന്ത്രി നരേന്ദ്രേ മോഡിയെ രൂക്ഷമായി വിമര്‍ശിച്ച് തമിഴ്‌നാട് മുഖ്യമന്ത്രി എം കെ സ്റ്റാലിന്‍. മോഡി വോട്ടിനു വേണ്ടി തമിഴ്‌നാടിനെ കുറിച്ച് ഒഡിഷയിലും ബിഹാറിലും വെറുപ്പ് പ്രചരിപ്പിക്കുന്നുവെന്ന് പറഞ്ഞ സ്റ്റാലിന്‍ മോഡി പദവി മറന്ന് സംസാരിക്കരുതെന്നും കൂട്ടിച്ചേര്‍ത്തു. പ്രധാനമന്ത്രി ശ്രദ്ധ തിരിക്കേണ്ടത് ജനക്ഷേമത്തിലാകണമെന്നും സ്റ്റാലിന്‍ പറഞ്ഞു.
ബിഹാറിലെ മുസഫര്‍പൂരില്‍ നടന്ന റാലിക്കിടെയായിരുന്നു മോഡി തമിഴ്‌നാടിനെ കുറിച്ച് സംസാരിച്ചത്. ബിഹാറില്‍ നിന്നുള്ളവരെ തമിഴ്‌നാട്ടില്‍ ഉപദ്രവിക്കുന്നുവെന്നായിരുന്നു പ്രധാനമന്ത്രിയുടെ പരാമര്‍ശം.