കൊച്ചി: കേരള സ്റ്റോറി എന്ന ചിത്രത്തിന്റെ രണ്ടാം ഭാഗത്തിന്റെ സെന്സര് സര്ട്ടിഫിക്കറ്റ് റദ്ദാക്കണമെന്നാവശ്യപ്പെട്ട് ഹൈക്കോടതിയില് ഹര്ജി. അടുത്ത ചൊവ്വാഴ്ചയോടെ ഹര്ജി ഹൈക്കോടതി പരിഗണിക്കും. ഇതേത്തുടര്ന്ന് സെന്സര് ബോര്ഡിന് ഹൈക്കോടതി നോട്ടീസ് നല്കി.
രണ്ടു ദിവസം മുന്പാണ് ചിത്രത്തിന്റെ ടീസര് പുറത്തിറങ്ങിയത്. ഇതിനു പിന്നാലെ മുഖ്യമന്ത്രി പിണറായി വിജയന്, സാംസ്കാരിക വകുപ്പ് മന്ത്രി സജി ചെറിയാന് അടക്കമുള്ളവര് വിമര്ശനവുമായി രംഗത്തെത്തിയിരുന്നു.
മതനിരപേക്ഷ പാരമ്പര്യത്തെ അവഹേളിക്കാന് ലക്ഷ്യമിട്ട് നിര്മിച്ച ദി കേരള സ്റ്റോറി എന്ന ചിത്രത്തിന്റെ രണ്ടാം ഭാഗം പുറത്തിറങ്ങുന്നു എന്ന വാര്ത്ത ഗൗരവത്തോടെ കാണേണ്ടതാണെന്ന രീതിയിലാണ് മുഖ്യമന്ത്രി ഫേസ്ബുക്കില് കുറിച്ചത്.