വാഷിംഗ്ടണ്‍: അതൊരു നിമിഷമായിരുന്നു, അല്ല ചരിത്രം. ഫോട്ടോഗ്രാഫര്‍മാരെ സംബന്ധിച്ചിടത്തോളം ഇത്തരമൊരു അപൂര്‍വ്വ നിമിഷം ലഭിക്കുകയെന്നാല്‍ അതിനേക്കാള്‍ വലിയ സന്തോഷം വേറെയുണ്ടാവില്ല.
യു എസ് മുന്‍ പ്രസിഡന്റ് ജിമ്മി കാര്‍ട്ടറുടെ നാഷണല്‍ കത്തീഡ്രലില്‍ നടന്ന ശവസംസ്‌ക്കാര ചടങ്ങിലാണ് ചിത്രവും ചരിത്രവും പിറന്നത്.
പ്രസിഡന്റ് ജോ ബൈഡന്‍, ഭാര്യ ജില്‍ ബൈഡന്‍, വൈസ് പ്രസിഡന്റ് കമലാ ഹാരിസും ഭര്‍ത്താവ് ഡഗ്ലസ് എംഹോഫ്, നിയുക്ത പ്രസിഡന്റ് ഡൊണള്‍ഡ് ട്രംപ്, ഭാര്യ മെലാനിയ, ബില്‍ ക്ലിന്റണ്‍, ഭാര്യ ഹിലരി ക്ലിന്റണ്‍, ജോര്‍ജ്ജ് ഡബ്ല്യു ബുഷ്, ഭാര്യ ലോറ, ബരാക് ഒബാമ എന്നിവരെല്ലാം നിരന്നിരക്കുന്നതായിരുന്നു ചിത്രം. മിഷേല്‍ ഒബാമ മാത്രമായിരുന്നു ഇല്ലാതിരുന്നത്.
എല്ലാവരും ശ്രദ്ധേയമായ സമാനമായ ഇരുണ്ട നിറത്തിലുള്ള സ്യൂട്ടുകളും കറുപ്പോ ആകാശനീലയിലോ ഉള്ള ടൈകളും കോട്ടുകളുമാണ് ധരിച്ചിരുന്നത്.
പ്രസിഡന്റ് സ്ഥാനത്തേക്ക് രണ്ടാം തവണ മത്സരിക്കാന്‍ ഇറങ്ങിയതോടെ അപൂര്‍വം സന്ദര്‍ഭങ്ങളില്‍ മാത്രമാണ് ട്രംപ് പരസ്യമായി തന്റെ സിഗ്‌നേച്ചര്‍ യൂണിഫോമായ ഫ്‌ളാഗ് ബ്ലൂ സ്യൂട്ടും വെള്ള ഷര്‍ട്ടും കടും ചുവപ്പ് ടൈയും മാറ്റിയത്.
കൗതുകകരമായ കാര്യം വാഷിംഗ്ടണ്‍ ചതുപ്പ് എന്ന് ട്രംപ് വിശേഷിപ്പിച്ച അതേ സ്ഥലത്താണ് അദ്ദേഹവും അദ്ദേഹത്തിനെതിരെ പ്രചാരണം നടത്തിയ മൂന്ന് പ്രസിഡന്റുമാര്‍ ഉള്‍പ്പെടെ ജീവിച്ചിരിക്കുന്ന നാല് പ്രസിഡന്റുമാരും ഒന്നിച്ചണിനിരന്നു.
കാര്‍ട്ടറുടെ ശവസംസ്‌കാര ചടങ്ങില്‍ കറുത്ത വസ്ത്രം ധരിച്ച മറ്റ് പ്രഥമ വനിതകളില്‍ നിന്ന് വേറിട്ടു നിന്ന മെലാനിയ ട്രംപ് ചാരനിറത്തിലുള്ള ഡിയോര്‍ സ്യൂട്ട് കറുപ്പും വെളുപ്പും പൂക്കളുള്ള വിശാലമായ വെളുത്ത കോളറുള്ള ഒരു കറുത്ത വാലന്റീനോ കോട്ടാണ് ധരിച്ചത്.