വാഷിംഗ്ടണ്‍: സര്‍ക്കാര്‍ അടച്ചുപൂട്ടല്‍ തടയുന്നതിനുള്ള റിപ്പബ്ലിക്കന്‍ പദ്ധതി സഭ വ്യാഴാഴ്ച വോട്ട് ചെയ്ത് തള്ളി. ജിഒപി അംഗങ്ങള്‍ ഒരു പുതിയ ചെലവ് നിര്‍ദ്ദേശം തയ്യാറാക്കുകയുംനിയുക്ത പ്രസിഡന്റ് ട്രംപ് അത് അംഗീകരിക്കുകയും ചെയ്തതിന് മണിക്കൂറുകള്‍ക്ക് ശേഷമാണ് ബില്‍ സഭയിലെത്തിയതും തള്ളിയതും.
ആദ്യ ശ്രമം എന്ന നിലയില്‍ നടത്തിയ ഉഭയകക്ഷി ശ്രമത്തെ നിരവധി അംഗങ്ങളും ട്രംപും എതിര്‍ത്തതോടെ തര്‍ക്കത്തില്‍ കലാശിക്കുകയായിരുന്നു.
വോട്ടെടുപ്പിന് മുന്നോടിയായി ഡെമോക്രാറ്റുകള്‍ ജി. ഒ. പി പദ്ധതിയെ 'പരിഹാസ്യം' എന്ന് വിശേഷിപ്പിച്ചു.
ജനുവരി 3 ന് നിര്‍ണായകമായ സ്പീക്കര്‍ തെരഞ്ഞെടുപ്പ് നടക്കാനിരിക്കെ ലോസാഞ്ചലസില്‍ നിന്നുള്ള റിപ്പബ്ലിക്കനായ നിലവിലെ സഭാ സ്പീക്കര്‍ മൈക്ക് ജോണ്‍സണ്‍ വര്‍ഷാവസാന ചെലവ് കരാര്‍ കൈകാര്യം ചെയ്യുന്നതുമായി ബന്ധപ്പെട്ട ജിഒപി ബില്‍ തള്ളിയത് അദ്ദേഹത്തിന്റെ ഭാവിയെ അനിശ്ചിതത്വത്തിലാക്കി.
ആദ്യ പദ്ധതിക്കെതിരെ പരസ്യമായി എതിര്‍പ്പ് പ്രകടിപ്പിച്ചുകൊണ്ട് ട്രംപും എലോണ്‍ മസ്‌കും ബുധനാഴ്ച സ്പീക്കര്‍ക്കുമേല്‍ സമ്മര്‍ദ്ദം ചെലുത്തിയിരുന്നു.
കോണ്‍ഗ്രസ് ശമ്പള വര്‍ദ്ധനവും മറ്റ് നടപടികളും സംബന്ധിച്ച ചില വ്യവസ്ഥകള്‍ ഒഴിവാക്കുന്ന ധനസഹായം നിര്‍ത്തിവെയ്ക്കുന്നതിന് അനുകൂലമായി വോട്ടുചെയ്യാന്‍ നിയമനിര്‍മ്മാതാക്കളോട് ആവശ്യപ്പെട്ടുകൊണ്ടാണ് ട്രംപ് പുതിയ ബില്ലിന് പിന്തുണ പ്രകടിപ്പിച്ചത്.
സര്‍ക്കാര്‍ അടച്ചുപൂട്ടല്‍ തടയുന്നതിനുള്ള റിപ്പബ്ലിക്കന്‍ പദ്ധതി യുഎസ് ഹൗസ് തള്ളി
