പാരീസ്: ഫ്രാൻസിന്റെ തലസ്ഥാനമായ പാരീസിൽ വെടിവെപ്പ്. വെടിവെപ്പിൽ ഒരാൾ കൊല്ലപ്പെട്ടു. 12 വയസ്സുള്ള പെൺകുട്ടിയടക്കം നാലുപേർക്ക് പരിക്കേറ്റു. അക്രമിയെ പൊലീസ് പിടികൂടി. സംഭവത്തിന് തീവ്രവാദബന്ധമുണ്ടോ എന്നും സംശയമുണ്ട്. ഇക്കാര്യം അന്വേഷിച്ചുവരികയാണെന്ന് പ്രോസിക്യൂട്ടർമാർ അറിയിച്ചു. പടിഞ്ഞാറൻ പാരീസിലെ ട്രാപ്പേസിലാണ് രാജ്യത്തെ നടുക്കിയ ഈ സംഭവം ഉണ്ടായത്. ഓടുന്ന കാറിൽ നിന്ന് കാൽനടയാത്രക്കാർക്ക് നേരെ അക്രമി യാതൊരു പ്രകോപനവുമില്ലാതെ നിറയൊഴിക്കുകയായിരുന്നു.
സംഭവവുമായി ബന്ധപ്പെട്ട് 39 കാരനായ പ്രതിയെ സുരക്ഷാ സേന ഉടൻതന്നെ കസ്റ്റഡിയിലെടുത്തു. പ്രക്ഷോഭങ്ങൾ കാരണം അതീവ ജാഗ്രതയിലുള്ള പ്രദേശത്ത് നടന്ന ആക്രമണത്തിന് പിന്നിൽ ഭീകരവാദ ബന്ധമുണ്ടെന്നാണ് പോലീസിന്റെ പ്രാഥമിക നിഗമനം. സംഭവത്തിൽ മറ്റാരുടെയെങ്കിലും പങ്കുണ്ടോയെന്ന കാര്യം അധികൃതർ സമഗ്രമായി അന്വേഷിച്ചു വരികയാണ്.
കൊല്ലപ്പെട്ടയാളും പരിക്കേറ്റവരിൽ ചിലരും കുടിയേറ്റ പശ്ചാത്തലമുള്ളവരാണെന്ന് സ്ഥിരീകരിച്ചിട്ടുണ്ട്. ഇരകളുടെ വംശമോ ദേശീയതയോ ലക്ഷ്യമിട്ടാണോ ആക്രമണം നടന്നതെന്ന കോണിലും പ്രോസിക്യൂട്ടർമാർ അന്വേഷണം ആരംഭിച്ചിട്ടുണ്ട്. സുരക്ഷാ ക്രമീകരണങ്ങളുടെ ഭാഗമായി മേഖലയിൽ അതീവ ജാഗ്രത തുടരുകയാണ്.
കാറിൽ പോകുന്നതിനിടെ അക്രമി കൺമുന്നിൽ കണ്ടവർക്ക് നേരേയെല്ലാം വെടിയുതിർത്തെന്ന് ട്രാപ്പെസ് മേയർ അലി റബേഹ് മാധ്യമങ്ങളോട് പ്രതികരിച്ചു. പരിക്കേറ്റവരിൽ 12 വയസ്സുള്ള പെൺകുട്ടിയുമുണ്ട്. എട്ടുതവണയാണ് ഈ കുട്ടിക്ക് വെടിയേറ്റതെന്നും കുട്ടി അപകടനില തരണം ചെയ്തതായും ലാ വെറീരെ മേയർ നിക്കോളാസ് ഡെയ്ൻവില്ലെ വാർത്താ ഏജൻസിയായ എഎഫ്പിയോട് പറഞ്ഞു.
പാരീസിൽ വെടിവെപ്പ്; ഒരാൾ കൊല്ലപ്പെട്ടു, ഒരു കുട്ടി ഉൾപ്പെടെ നാലുപേർക്ക് പരിക്ക്; തീവ്രവാദബന്ധമെന്ന് സംശയം
