ഇസ്ലാമാബാദ്: യു എസ്- ഇറാന് സംഘര്ഷം പരിഹരിക്കാന് പൂര്ണ്ണമായ ശ്രമങ്ങളാണ് നടക്കുന്നതെന്ന് പാകിസ്ഥാന് പ്രധാനമന്ത്രി ഷെഹ്ബാസ് ഷെരീഫ് പറഞ്ഞു. ലെബനനിലെ ആക്രമണങ്ങള് അവസാനിപ്പിക്കണമെന്ന് തെഹ്റാന് വ്യക്തമാക്കിയതിന് ശേഷമാണ് ചര്ച്ചകള് നടന്നതെന്നും സമാധാന ചര്ച്ചകളെക്കുറിച്ച് പരാമര്ശിച്ചിട്ടും യു എസ് ബോംബാക്രമണത്തില് തുടര്ന്നുവെന്നും രണ്ടാഴ്ചത്തെ വെടിനിര്ത്തല് ഇപ്പോഴും നിലനില്ക്കുന്നു എന്നും മന്ത്രിസഭാ യോഗത്തില് അദ്ദേഹം ചൂണ്ടിക്കാട്ടി.
ആഗോള ഊര്ജ്ജ പ്രതിസന്ധിക്കിടയില് യു എസ് പ്രസിഡന്റ് ഡൊണാള്ഡ് ട്രംപ് തിങ്കളാഴ്ച മുതല് ഹോര്മുസ് കടലിടുക്കിന്റെ ഉപരോധം പ്രഖ്യാപിച്ചു. ചൈനയിലേക്കും മറ്റ് രാജ്യങ്ങളിലേക്കുമുള്ള ഇറാന്റെ എണ്ണ വിതരണം തടസ്സപ്പെടുത്താനുള്ള ശ്രമത്തിന്റെ ഭാഗമായാണ് ഇത് ചെയ്തത്.
രണ്ട് പ്രതിനിധികളും മുഖാമുഖം ഇരിക്കുന്നത് ഇതാദ്യമായിരുന്നുവെന്നും താന് അതിന് സാക്ഷിയാണെന്നും പാക് പ്രധാനമന്ത്രി കൂട്ടിച്ചേര്ത്തു. ലെബനനെതിരെ ഇസ്രായേലിന്റെ തുടര്ച്ചയായ ആക്രമണത്തെ പ്രധാനമന്ത്രി ശക്തമായി അപലപിക്കുകയും ഈ ശത്രുതയില് ആയിരക്കണക്കിന് വിലയേറിയ ജീവന് നഷ്ടപ്പെട്ടതില് അനുശോചനം രേഖപ്പെടുത്തുകയും ചെയ്തതായി ശനിയാഴ്ച നടന്ന ചര്ച്ചകള്ക്ക് മുന്നോടിയായി പാക് പ്രധാനമന്ത്രിയുടെ ഓഫീസ് പ്രസ്താവനയില് പറഞ്ഞു. പ്രാദേശിക സമാധാനത്തിനുള്ള ആത്മാര്ഥ ശ്രമങ്ങളില് പാകിസ്ഥാന് ഏര്പ്പെട്ടിരിക്കുകയാണെന്നും ഈ മനോഭാവത്തിലാണ് ഇറാനും യു എസും തമ്മിലുള്ള സമാധാന ചര്ച്ചകള് വിളിച്ചുചേര്ത്തതെന്നും പ്രധാനമന്ത്രി പറഞ്ഞു.
പാകിസ്ഥാന്റെ മധ്യസ്ഥതയുമായി യു എസും ഇറാനും പ്രാഥമിക ധാരണയിലെത്തിയതോടെ വെടിനിര്ത്തല് ലംഘനങ്ങളെക്കുറിച്ച് ഇറാന് വിദേശകാര്യ മന്ത്രി അബ്ബാസ് അരാഗ്ചി ഇസ്ലാമാബാദിനോട് ആശങ്കകള് ഉന്നയിച്ചിട്ടുണ്ട്.