ടെഹ്‌റാന്‍: തങ്ങളുടെ ഭൂഗര്‍ഭ ഫോര്‍ഡോ ആണവ കേന്ദ്രത്തിന് സമീപമുള്ള പ്രദേശങ്ങളില്‍ രണ്ട് സ്ഫോടനങ്ങള് നടന്നതായി ഇറാന്‍ പറഞ്ഞു. ഐആര്‍ജിസിയുമായി ബന്ധപ്പെട്ട ഫാര്‍സ് ന്യൂസ് റിപ്പോര്‍ട്ട് ചെയ്തത് ഫോര്‍ഡോ സൈറ്റിന്റെ പ്രദേശത്ത് നിന്ന് രണ്ട് സ്ഫോടന ശബ്ദം കേട്ടുവെന്നാണ്. ഫോര്‍ഡോ ആണവ കേന്ദ്രം നൂറോളം മീറ്റര്‍ ഭൂമിക്കടിയിലാണ് സ്ഥിതിചെയ്യുന്നത്. ടെഹ്റാനിലും സ്ഫോടനങ്ങളുടെ ശബ്ദം കേട്ടിട്ടുണ്ട്. ഇസ്ഫഹാന്‍ റിയാക്ടറില്‍ ബോംബാക്രമണം നടന്നതായി റിപ്പോര്‍ട്ടുകള്‍ സൂചിപ്പിക്കുന്നു.
നേരത്തെ, ഇസ്രായേല്‍ ഇറാനില്‍ ആക്രമണം നടത്തിയിരുന്നു. ആണവ, സൈനിക കേന്ദ്രങ്ങള്‍ ആക്രമിക്കുകയും രാജ്യത്തെ ഉന്നത ജനറല്‍മാരെ വധിക്കുകയും ചെയ്തു.
തങ്ങളുടെ ആണവ കേന്ദ്രങ്ങള്‍ക്കെതിരായ ആക്രമണത്തിനും മുതിര്‍ന്ന സൈനിക നേതൃത്വത്തിന്റെ കൊലപാതകത്തിനും പ്രതികാരം ചെയ്യുമെന്ന് ഇറാന്‍ വ്യക്തമാക്കി.