ടെഹ്‌റാന്‍: രാത്രി മുഴുവന്‍ പരസ്പരം ആക്രമണം നടത്തിയതിന് പിന്നാലെ ഇറാന്‍ മിസൈലുകള്‍ പ്രയോഗിച്ചാല്‍ 'ടെഹ്‌റാന്‍ കത്തുമെന്ന് ' ഇസ്രായേല്‍ പ്രതിരോധ മന്ത്രി മുന്നറിയിപ്പ് നല്‍കി
വെള്ളിയാഴ്ച ഇറാന്റെ ആണവ പദ്ധതിയെ ലക്ഷ്യമിട്ട് ഇസ്രായേല്‍ നടത്തിയ ആക്രമണങ്ങള്‍ക്ക് പ്രതികാരമായി ഇറാന്‍ നിരവധി മിസൈലുകള്‍ വിക്ഷേപിച്ചതിനെത്തുടര്‍ന്ന് ടെല്‍ അവീവ്, ജറുസലേം, ടെഹ്‌റാന്‍ എന്നിവിടങ്ങളില്‍ സ്‌ഫോടനങ്ങളുണ്ടായി.
ഇസ്രായേലിനെതിരായ ആക്രമണങ്ങള്‍ തടയാന്‍ യുകെ, യുഎസ്, ഫ്രാന്‍സ് എന്നീ സഖ്യകക്ഷികള്‍ സഹായിച്ചാല്‍ മേഖലയിലെ അവരുടെ താവളങ്ങളും കപ്പലുകളും ആക്രമിക്കുമെന്ന് ഇറാന്‍ മുന്നറിയിപ്പ് നല്‍കിയതായി സ്‌റ്റേറ്റ് മീഡിയ റിപ്പോര്‍ട്ട് ചെയ്തു.
മുന്നറിയിപ്പിനോട് ഡൗണിംഗ് സ്ട്രീറ്റ് ഇതുവരെ പ്രതികരിച്ചിട്ടില്ല, പക്ഷേ ആക്രമണങ്ങളില്‍ നിന്ന് ഇസ്രായേലിനെ പ്രതിരോധിക്കാനുള്ള ശ്രമങ്ങള്‍ ഉള്‍പ്പെടെ ഒരു സൈനിക നടപടിയിലും യുകെ പങ്കെടുത്തിട്ടില്ലെന്ന് മനസ്സിലാക്കുന്നതായി ബിബിസി് രാഷ്ട്രീയ ലേഖകന്‍ റിപ്പോര്‍ട്ട് ചെയ്തു.
ഇറാന്‍ പ്രത്യാക്രമണത്തില്‍ ഇസ്രായേലില്‍, മൂന്ന് പേര്‍ കൊല്ലപ്പെടുകയും ഡസന്‍ കണക്കിന് പേര്‍ക്ക് പരിക്കേല്‍ക്കുകയും ചെയ്തതായി ഉദ്യോഗസ്ഥര്‍ പറയുന്നു, അതേസമയം ടെഹ്‌റാനില്‍ നടന്ന ഒരു ആക്രമണത്തില്‍ 60 പേര്‍ കൊല്ലപ്പെട്ടതായി ഇറാനിയന്‍ സ്‌റ്റേറ്റ് ടിവി റിപ്പോര്‍ട്ട് ചെയ്തു
ഗാസയ്ക്കുപിന്നാലെ ഇസ്രായേല്‍ പ്രധാനമന്ത്രി നെതന്യാഹു ഇറാനെതിരെ മറ്റൊരു യുദ്ധമുന്നണി തുറന്നിരിക്കുകയാണ്. ഇറാന്‍ ഭരണകൂടം ഇതിനെ അതിജീവനത്തിനായുള്ള പോരാട്ടമായി കാണാന്‍ പോകുന്നുവെന്ന് ലൈസ് ഡൗസെറ്റ് റിപ്പോര്‍ട്ട് ചെയ്യുന്നു.
ഇസ്രായേലിനെ പ്രതിരോധിക്കാന്‍ സഹായിച്ചാല്‍ മേഖലയിലെ യുകെ, യുഎസ്, ഫ്രാന്‍സ് താവളങ്ങള്‍ ആക്രമിക്കുമെന്ന് ഇറാന്റെ മുന്നറിയിപ്പ്
