ന്യൂ യോര്‍ക്ക്: ഫൊക്കാന ന്യൂയോര്‍ക്ക് മെട്രോ റീജിയണലിന്റെ നേത്യത്വത്തില്‍ ക്യൂന്‍സിലുള്ള കന്നിഹാം പാര്‍ക്കില്‍ അരങ്ങേറിയ ചാരിറ്റി ക്രിക്കറ്റ് ബാഷ് 2025 വന്‍ വിജയമായി. ടൂര്‍ണമെന്റ് റീജിയണല്‍ വൈസ് പ്രസിഡന്റ് ലാജി തോമസ് ഉദ്ഘാടനം ചെയ്തു.
പുരസ്‌കാര വിതരണ ചടങ്ങ് നാഷണല്‍ കമ്മിറ്റി അംഗം മേരിക്കുട്ടി മൈക്കിളിന്റെ പ്രാര്‍ഥന ഗാനത്തോടെ ആരംഭിച്ചു. ഫൊക്കാന ന്യൂയോര്‍ക്ക് റീജിയണല്‍ വൈസ് പ്രസിഡന്റ് ലാജി തോമസ് സ്വാഗതം ചെയ്തു. തുടര്‍ന്ന് ഫൊക്കാന പ്രസിഡന്റ് സജിമോന്‍ ആന്റണി ഉദ്ഘാടനം ചെയ്തു. കോമണ്‍വെല്‍ത്ത് ക്രിക്കറ്റ് ലീഗ് പ്രസിഡന്റ് അജിത് ഭാസ്‌കര്‍, ഇന്ത്യന്‍ ക്രിക്കറ്റ് കോച്ചും മുന്‍ കര്‍ണാടക ടീം ക്യാപ്റ്റനുമായ പി വി ശശികാന്ത് ചടങ്ങില്‍ അതിഥികളായിരുന്നു. ഫൊക്കന ട്രഷറര്‍ ജോയി ചാക്കപ്പന്‍ തുടങി നിരവധി പ്രമുഖര്‍ പങ്കെടുത്തു.
ഫൊക്കാന പ്രസിഡന്റ് സജിമോന്‍ ആന്റണി ഫൊക്കാനയുടെ ചരിത്രത്തില്‍ ആദ്യമായാണ് ക്രിക്കറ്റ് ടൂര്‍ണമെന്റ് നടത്തുന്നത് എന്ന് അഭിപ്രായപ്പെട്ടു. ടൂര്‍ണമെന്റിലെ വിജയികള്‍ക്ക് പ്രത്യേകം അഭിനന്ദനങ്ങള്‍ അറിയിക്കുന്നതിനോടൊപ്പം മത്സരങ്ങളില്‍ പങ്കെടുത്ത് സഹകരിച്ച മുഴുവന്‍ മത്സരാര്‍ഥികളോടും കാണുവാനും പിന്തുണയ്ക്കാനും എത്തിയ എല്ലാവര്‍ക്കും ഭംഗിയായി ടൂര്‍ണമെന്റ് നടത്തിയ റീജിണല്‍ വൈസ് പ്രസിഡന്റ് ലാജി തോമസിന്റെ നേതൃത്വത്തിനെയും അഭിനന്ദിച്ചു. ഇനിയും കൂടുതല്‍ റിജിനുകളില്‍ ഇതുപോലെയുള്ള സ്‌പോര്‍ട്‌സകള്‍ക്കു ഫൊക്കാന നേതൃത്വം നല്‍കുമെന്നും സജിമോന്‍ ആന്റണി അറിയിച്ചു.
ഫൊക്കാന ട്രഷര്‍ ജോയി ചാക്കപ്പന്‍ ടൂര്‍ണമെന്റ് ടീമുകളുടെ പ്രകടനം കൊണ്ടും സംഘാടക മികവുകൊണ്ടും ആളുകളുടെ പങ്കാളിത്തം കൊണ്ടും വന്‍ വിജയമായി എന്ന് അഭിപ്രായപ്പെട്ടു. റീജണല്‍ സെക്രട്ടറി ഡോണ്‍ തോമസ്, റീജണല്‍ ട്രഷറര്‍ മാത്യു തോമസ് എന്നിവര്‍ ടൂര്‍ണമെന്റ് സസ്‌പോണ്‍സര്‍മാരെ പരിചയപ്പെടുത്തുകയും നന്ദി അറിയിക്കുകയും ചെയ്തു.
ടൂര്‍ണമെന്റ് കോഡിനേറ്റര്‍ ജിന്‍സ് ജോസഫ് അതിഥി കള്‍ക്കും ടീം അംഗങ്ങള്‍, സപ്പോര്‍ട്ട് ചെയ്തവര്‍, പങ്കെടുത്തു ടൂര്‍ണമെന്റ് വിജയിപ്പിച്ച ഏവര്‍ക്കും നന്ദി അറിയിച്ചു. സ്‌പോര്‍ട്‌സ് പ്രേമികളുടെ വലിയ സാന്നിധ്യവും മികച്ച മത്സരങ്ങളും കൊണ്ട് ശ്രേദ്ധെയമായിരുന്നു ടൂര്‍ണമെന്റ്.
വിജയം കൈവരിച്ച ന്യൂയോര്‍ക്ക് ഫീനിക്‌സ്, റണ്ണേര്‍സ്അപ്പായ ഫിലാഡല്‍ഫിയ മച്ചാന്‍സ്, സ്‌പോണ്‍സേസ്,സബ് കമ്മിറ്റി അംഗങ്ങള്‍ എന്നിവര്‍ക്ക് ട്രോഫികളും മെമന്റോകളും വിതരണം ചെയ്തു. 500-ല്‍പരം ആള്‍ക്കാര്‍ പങ്കെടുത്ത ടൂര്‍ണമെന്റ് ഗ്രാന്റ് ഫിനാല വന്‍ വിജയമായി വിലയിരുത്തപ്പെട്ടു. ഡോ. ഷൈല മാമ്മന്റെ നേതൃത്വത്തിലുള്ള ഇന്ത്യന്‍ നേഴ്സസ് അസോസിയേഷന്‍ ഓഫ് ന്യൂയോര്‍ക്ക്, ലൈവ് ഓണ്‍ ന്യൂയോര്‍ക്ക് പ്രതിനിധികളും റീജിയണല്‍ ഹുമണ്‍സ് ഫോറം കോഡിനേറ്റര്‍ ഉഷ ജോര്‍ജിന്റെ നേതൃത്വത്തില്‍ അംഗങ്ങളും ദിനം മുഴുവന്‍ ഗ്രൗണ്ടില്‍ സജീവമായി പങ്കെടുത്തു. അവരുടെ ആത്മമാര്‍ഥമായ പിന്തുണക്കും സാന്നിധ്യത്തിനും റീജിയണല്‍ കമ്മിറ്റി പ്രത്യേക നന്ദി അറിയിച്ചു.
ഗ്രാന്‍ഡ് ഫിനാലെയില്‍ പ്രസിഡന്റ് സജിമോന്‍, ട്രഷറര്‍ ജോയി ചാക്കപ്പന്‍, കോറിനേറ്റര്‍ ജിന്‍സ് ജോസഫ് എന്നിവര്‍ക്ക് റീജിയണല്‍ വൈസ് പ്രസിഡന്റ് ലാജി തോമസും കമ്മിറ്റി അംഗങ്ങള്‍ എന്നിവരുടെ നേതൃത്വത്തില്‍ പൊന്നാട അണിയിച്ചു ആദരിച്ചു. റോഷന്‍ മാമ്മന്‍, ശ്രീനി, ഷീബ എന്നിവരുടെ നേതൃത്വത്തില്‍ തുടര്‍നീളം ചെണ്ടമേളം പ്രോഗ്രാമിന് താളക്കൊഴുപ്പേകി. റോഷി ജോര്‍ജ്, എമി തോമസ് എം സിമാരായി പ്രോഗ്രാമിന് അടുക്കും ചിട്ടയോടും കൈകാര്യം ചെയ്തു. ഫൊക്കാനയുടെ മുതിര്‍ന്ന നേതാക്കളായ പോള്‍ കറുകപ്പള്ളി, തോമസ് തോമസ്, ലീല മാരേട്ട്, മുന്‍ ട്രസ്റ്റി ചെയര്‍ സജി പോത്തന്‍, ട്രസ്റ്റി ബോര്‍ഡ് സെക്രട്ടറി ബിജു ജോണ്‍, അപ്പ്‌സ്റ്റേറ്റ് റീജിയന്‍ ആര്‍ വീപ്പി ആന്റോ വര്‍ക്കി, നാഷണല്‍ കമ്മിറ്റി അംഗമായ ജീമോന്‍ വര്‍ഗീസ്, സിജു സെബാസ്റ്റ്യന്‍, മേരി ഫിലിപ്പ്, മേരികുട്ടി മൈക്കിള്‍ തുടങ്ങി പല നേതാക്കളും മീറ്റിങില്‍ പങ്കടുക്കുകയും വേണ്ട സപ്പോര്‍ട്ട് തരികയും ചെയ്തു. കൂടാതെ ഫോമയുടെ ന്യൂ യോര്‍ക്ക് റീജിയണല്‍ ഭാരവാഹികള്‍, ഫോമാ നേതാക്കള്‍ തുടങ്ങിയവരും മീറ്റിങില്‍ പങ്കെടുത്തു സപ്പോര്‍ട്ട് ചെയ്തു.
സ്‌പോര്‍ട്‌സ് കോര്‍ഡിനേറ്റര്‍ ജീന്‍സ് ജോസഫ്, റീജിണല്‍ സെക്രട്ടറി ഡോണ്‍ തോമസ്, റീജണല്‍ ട്രഷറര്‍ മാത്യു തോമസ്, കമ്മിറ്റി അംഗങ്ങള്‍, സബ് കമ്മിറ്റി അംഗങ്ങള്‍ എന്നിവരുടെ നേതൃത്വത്തില്‍ ടൂര്‍ണമെന്റ് വന്‍ വിജയമാക്കി തീര്‍ത്ത കമ്മിറ്റിക്കാരെ ഏവരും പ്രശംസിച്ചു.
ആദ്യം മുതല്‍ അവസാനം വരെ ടൂര്‍ണമെന്റ് നടത്തപ്പില്‍ കോര്‍ഡിനേറ്റ് ചെയ്ത സബ് കമ്മിറ്റി മെംബര്‍സ്, എകസിക്യൂട്ടിവ് കമ്മിറ്റി അംഗങ്ങള്‍, സ്‌പോണ്‍സേര്‍സ് സഹായിച്ച സപ്പോര്‍ട്ട് ചെയ്ത വന്നു പങ്കെടുത്ത് ഈ ടുര്‍ണമെന്റ് വന്‍ വിജയമാക്കിയ ഏവര്‍ക്കും ന്യൂ യോര്‍ക്ക് റീജണല്‍ വൈസ് പ്രസിഡന്റ് ലാജി തോമസ്, റീജണല്‍ സെക്രട്ടറി ഡോണ്‍ തോമസ്, റീജണല്‍ ട്രഷറര്‍ മാത്യു തോമസ്, കോര്‍ഡിനേറ്റര്‍ ജിന്‍സ് ജോസഫ് എന്നിവര്‍ ഏവരോടും ഹ്യദയം നിറഞ്ഞ സ്‌നേഹവും, നന്ദിയും അറിയിച്ചു.