ന്യൂഡല്ഹി: ഹോര്മുസ് കടലിടുക്ക് കടക്കാന് ശ്രമിക്കുന്നതിനിടെ ഇന്ത്യയുടെ രണ്ട് എണ്ണ ടാങ്കറുകള്ക്ക് നേരെ വെടിവയ്പ്പ് നടന്നതില് ഇന്ത്യ ആശങ്ക പ്രകടിപ്പിച്ചു.
ശനിയാഴ്ച നടന്ന സംഭവത്തില് ഇന്ത്യന് പതാക വഹിക്കുന്ന രണ്ട് കപ്പലുകളെയാണ് ലക്ഷ്യമിട്ടതെന്ന് വിദേശകാര്യ മന്ത്രാലയം പ്രസ്താവനയില് പറഞ്ഞു.
വിദേശകാര്യ സെക്രട്ടറി വിക്രം മിസ്രിയുമായി അടിയന്തര ചര്ച്ചകള്ക്കായി ന്യൂഡല്ഹി ഇറാന് അംബാസഡര് മുഹമ്മദ് ഫത്താലിയെ വിളിച്ചുവരുത്തി.
രണ്ട് കപ്പലുകളും ഉള്പ്പെട്ട വെടിവയ്പ്പില് ഇന്ത്യയുടെ 'കടുത്ത ആശങ്ക' മിസ്രി അറിയിക്കുകയും നടപടിയെടുക്കാന് തെഹ്റാനോട് സമ്മര്ദ്ദം ചെലുത്തുകയും ചെയ്തു.
ഇന്ത്യയുടെ നിലപാട് ഇറാനിയന് അധികാരികളെ അറിയിക്കണമെന്നും 'ഇന്ത്യയിലേക്കുള്ള കപ്പലുകള്ക്ക് കടലിടുക്ക് കുറുകെ കടന്നുപോകാന് സൗകര്യമൊരുക്കുന്നതിനുള്ള നടപടിക്രമങ്ങള് എത്രയും വേഗം പുനരാരംഭിക്കണമെന്നും' അദ്ദേഹം അംബാസഡറോട് ആവശ്യപ്പെട്ടു.