തിരുവനന്തപുരം: കഴക്കൂട്ടത്ത് പൊലീസിന് നേര്ക്ക് ജീപ്പ് ഇടിച്ചു കയറ്റി ലഹരി സംഘത്തിന്റെ അഴിഞ്ഞാട്ടം. ഡാന്സാഫ് സംഘത്തിന്റെ ബൈക്കിന് മുകളിലേക്കാണ് ലഹരി സംഘം ജീപ്പ് ഓടിച്ചു കയറ്റിയത്. നാലു പൊലീസുകാര്ക്കാണ് പരിക്കേറ്റത്. ആക്രമണത്തില് ഡാന്സാഫ് സംഘത്തിലെ സിവില് പൊലീസ് ഓഫീസര് ദീപുരാജിന്റെ കൈ ഒടിഞ്ഞു തൂങ്ങി. പരിക്കേറ്റ പൊലീസുകാരനെ തിരുവനന്തപുരം മെഡിക്കല് കോളജില് പ്രവേശിപ്പിച്ചു. സംഭവത്തില് ലഹരി സംഘത്തിലെ മൂന്നു പേരെ പൊലീസ് പിടികൂടിയിട്ടുണ്ട്.
തിരുവല്ലം സ്വദേശി അഭിഷേക്, വെട്ടുകാട് സ്വദേശി രതീഷ്, കാസര്കോട് സ്വദേശി സ്വാലി എന്നിവരാണ് പിടിയിലായത്. എംഡിഎംഎയുമായി ഒരു സംഘം വരുന്നതായി സൂചന ലഭിച്ചതിനെത്തുടര്ന്ന് പൊലീസ് വാഹന പരിശോധന നടത്തി വരികയായിരുന്നു. ഇതിനിടെ ഇവരുടെ വാഹനം കൈകാണിച്ച് തടഞ്ഞപ്പോഴാണ് ജീപ്പ് പൊലീസുകാരുടെ ബൈക്കിന് മുകളിലേക്ക് ഓടിച്ചു കയറ്റിയത്. പൊലിസിനെ ഇടിച്ചു തെറിപ്പിച്ച് രക്ഷപ്പെടാനായിരുന്നു ഇവരുടെ ശ്രമം. പ്രതികള് ലഹരി ഉപയോഗിച്ചിരുന്നതായാണ് പൊലീസ് സൂചിപ്പിക്കുന്നത്.
ലഹരി മാഫിയയുടെ അക്രമത്തിൽ പ്രതികരണവുമായി ആഭ്യന്തര മന്ത്രി രമേശ് ചെന്നിത്തല രംഗത്തെത്തി. പൊലീസിൻ്റെ പ്രവർത്തനം തടസപ്പെടുമെന്ന് കരുതേണ്ടെന്നും കർശന നടപടി ഉണ്ടാകുമെന്നും അദ്ദേഹം പറഞ്ഞു. തീക്കട്ടയിൽ ഉറുമ്പ് അരിക്കാൻ അനുവദിക്കില്ലെന്നും ഓപ്പറേഷൻ തൂഫാനുമായി മുന്നോട്ടുപോകുമെന്നും അദ്ദേഹം വ്യക്തമാക്കി.
കഴക്കൂട്ടത്ത് ലഹരി സംഘത്തിന്റെ അഴിഞ്ഞാട്ടം; പൊലീസ് ബൈക്കിന് മുകളിലേക്ക് ജീപ്പ് ഓടിച്ചു കയറ്റി, നാലു പൊലീസുകാര്ക്ക് പരിക്കേറ്റു
