കണ്ണൂര്‍: ഇ പി ജയരാജന്റെ ഭാര്യ പി കെ ഇന്ദിരയെ ഉന്നമിട്ട് വീണ്ടും ഫേസ്ബുക് പോസ്റ്റുമായി സഹോദരിയുടെ മകന്‍ ശ്യാംജിത്ത്. വൈദേകം റിസോര്‍ട്ടിലെ പി.കെ.ഇന്ദിരയുടെ നിക്ഷേപം റിട്ടയര്‍മെന്റ് ആനുകൂല്യങ്ങള്‍ ഉപയോഗിച്ചാണോ എന്നും സഹകരണ ബാങ്കില്‍നിന്ന് വിരമിച്ച ഒരാള്‍ക്ക് എത്രരൂപ ആനുകൂല്യമായി കിട്ടുമെന്നുമാണ് പോസ്റ്റ്. അതേസമയം ഇ.പി. ജയരാജന്റെ ഭാര്യ നിക്ഷേപിച്ചത് ശശിധരന്‍ കര്‍ത്തയുടെ പണമാണെന്ന ആരോപണം കണ്ണൂരിലെ വൈദേകം റിസോര്‍ട്ട് മാനേജ്‌മെന്റ് നിഷേധിച്ചു.
ഇ.പി. ജയരാജന്റെ ഭാര്യ പി.കെ. ഇന്ദിര റിസോർട്ടിൽ നടത്തിയ വലിയ ഓഹരി നിക്ഷേപം അവരുടെ വിരമിക്കൽ ആനുകൂല്യങ്ങൾ ഉപയോഗിച്ചാണോ എന്നാണ് ശ്യാംജിത്ത് പുതിയ ഫേസ്ബുക്ക് കുറിപ്പിലൂടെ ചോദിച്ചത്. കേരള ബാങ്കിൽ നിന്ന് വിരമിച്ചപ്പോൾ അവർക്ക് ലഭിച്ച ആനുകൂല്യങ്ങൾ എത്രയാണെന്നും അതുമായി ബന്ധപ്പെട്ട രേഖകൾ പുറത്തുവിടാൻ തയ്യാറുണ്ടോ എന്നും ശ്യാംജിത്ത് ചോദിക്കുന്നു. സിഎംആർഎൽ മാനേജിങ് ഡയറക്ടർ ശശിധരൻ കർത്തയിൽ നിന്ന് ഇ.പി. ജയരാജന്റെ ഭാര്യ പണം വാങ്ങിയാണ് വൈദേകം റിസോർട്ടിൽ നിക്ഷേപിച്ചതെന്ന് കാണിച്ച് ഒക്ടോബർ 24-ന് ശ്യാംജിത്ത് ആദ്യം ഒരു പോസ്റ്റ് ഇട്ടിരുന്നു. എന്നാൽ വിവാദമായതോടെ ഈ പോസ്റ്റ് പിൻവലിക്കുകയും, തന്റെ അക്കൗണ്ട് ആരോ ഹാക്ക് ചെയ്ത് ദുരുപയോഗം ചെയ്തതാണെന്ന് ശ്യാംജിത്ത് വിശദീകരിക്കുകയും ചെയ്തിരുന്നു.
ഈ ആരോപണങ്ങളെല്ലാം പൂർണ്ണമായും തള്ളിയ ഇ.പി. ജയരാജൻ, തനിക്ക് കർത്തയുമായി യാതൊരു സാമ്പത്തിക ഇടപാടുമില്ലെന്നും റിസോർട്ടിൽ ഓഹരികളില്ലെന്നും വ്യക്തമാക്കി. കൂടാതെ, ശ്യാംജിത്തിന്റെ ഭാര്യ ദീപ വൈദേകം റിസോർട്ടിൽ അക്കൗണ്ടന്റായി ജോലി ചെയ്യുമ്പോൾ സാമ്പത്തിക ക്രമക്കേടുകളും വ്യാജ വൗച്ചർ ചമയ്ക്കലും നടത്തിയെന്നും, അവർക്കെതിരെ റിസോർട്ട് മാനേജ്‌മെന്റ് പോലീസിൽ പരാതി നൽകിയതിന്റെ പ്രതികാരമായാണ് ഈ ആരോപണങ്ങളെന്നും ജയരാജൻ ആരോപിച്ചു.
ശശിധരന്‍ കര്‍ത്തയുടെ പണമാണ് ഇ പി ജയരാജന്റെ ഭാര്യ പി കെ ഇന്ദിര വൈദേകം റിസോര്‍ട്ടില്‍ നിക്ഷേപിച്ചതെന്ന് ആയിരുന്നു ശ്യാംജിത്ത് നേരത്തെ പോസ്സ് ചെയ്തത്. വിവാദമായതോടെ പോസ്റ്റ് മുക്കി. അക്കൗണ്ട് ഹാക്ക് ചെയ്യപ്പെട്ടതാണെന്നും പോസ്റ്റ് ഇട്ടത് മറ്റാരോ ആണെന്നുമായിരുന്നു ശ്യാംജിത്ത് പറഞ്ഞിരുന്നത്. തന്റെ അക്കൗണ്ട് ഹാക്ക് ചെയ്യപ്പെട്ടതാണെന്ന് പറഞ്ഞ് ആദ്യ പോസ്റ്റിൽ നിന്ന് ശ്യാംജിത്ത് പിൻവാങ്ങിയെങ്കിലും, തൊട്ടടുത്ത ദിവസം തന്നെ ഇന്ദിരയുടെ വിരമിക്കൽ ഫണ്ടുകളെ ചോദ്യം ചെയ്ത് വീണ്ടും രംഗത്തെത്തിയത് ഇവർ തമ്മിലുള്ള "ഡീൽ ഒക്കെയായില്ല" എന്ന തരത്തിലുള്ള മാധ്യമ ചർച്ചകൾക്ക് വഴിവെച്ചിരിക്കുകയാണ്.
പല ഇടപാടുകളുടേയും രേഖകള്‍ പുറത്ത് വരാനുണ്ടെന്നും പോസ്റ്റില്‍ പറയുന്നു. ശ്യാംജിത്തിന്റെ ആരോപണങ്ങള്‍ പൂര്‍ണമായും നിഷേധിക്കുകയാണ് വൈദേകം മാനേജ്‌മെന്റ്. സാമ്പത്തിക തട്ടിപ്പ് നടത്തിയതിന് ശ്യാംജിത്തിന്റെ ഭാര്യ ദീപയെ വൈദേകത്തില്‍ നിന്ന് പുറത്താക്കിയിരുന്നു. പൊലീസില്‍ പരാതിയും നല്‍കി. ഇതിന്റെ പ്രതികാരമാകാം ആരോപണത്തിന് പിന്നിലെന്ന് വൈദേകം മാനേജ്‌മെന്റ് വ്യക്തമാക്കി.
ഇ പിയുടെ അനന്തരവന്റെ കലഹത്തിൽ ഡീൽ ഒകെ ആയില്ല; ചോദ്യങ്ങളുമായി ശ്യാംജിത്ത് വീണ്ടും രംഗത്ത്, ‘ഇന്ദിരയുടെ നിക്ഷേപം റിട്ടയര്‍മെന്റ് ആനുകൂല്യം ഉപയോഗിച്ചോ?’
