തിരുവനന്തപുരം : തിരുവാരൂര്‍ ജില്ലയിലെ തിരുതുറൈപൂണ്ടിക്ക് സമീപം കേരളത്തില്‍ നിന്നുള്ള വിനോദസഞ്ചാരികളുമായി പോയ വാനും, ബസ്സും കൂട്ടിയിടിച്ച് നാല് പേര്‍ മരിക്കുകയും മൂന്ന് പേര്‍ക്ക് പരിക്കേല്‍ക്കുകയും ചെയ്തു.
തിരുവാരൂര്‍ ജില്ലയിലെ തിരുതുരൈപൂണ്ടിക്കടുത്തുള്ള കരുവേപ്പന്‍ചേരി പ്രദേശത്ത് ഞായറാഴ്ച രാവിലെ നാഗപട്ടണത്തില്‍ നിന്ന് രാമനാഥപുരത്തേക്ക് പോവുകയായിരുന്ന തമിഴ്‌നാട് സര്‍ക്കാര്‍ ബസ്സും, തിരുവനന്തപുരത്ത് നിന്നുള്ള ഏഴ് വിനോദസഞ്ചാരികളുടെ സംഘവുമായി വേളാങ്കണ്ണിയിലേക്ക് പോകുകയായിരുന്ന വാനും തമ്മില്‍ കൂട്ടിയിടിക്കുകയായിരുന്നു.
വാനില്‍ യാത്ര ചെയ്തിരുന്ന തിരുവനന്തപുരം സ്വദേശികളായ രജിനാഥ്, രാജേഷ്, സജിത്ത്, രാഹുല്‍ എന്നിവര്‍ സംഭവസ്ഥലത്ത് വെച്ചുതന്നെ മരിച്ചു.
മറ്റ് മൂന്ന് യാത്രക്കാരായ കാഞ്ചിറങ്കുളം സ്വദേശി റജീനസ്, തിരുവനന്തപുരം നെല്ലിമേട് സ്വദേശികളായ സാബി, സുനില്‍ എന്നിവരെ സാരമായ പരിക്കുകളോടെ തിരുത്തുറൈപൂണ്ടി സര്‍ക്കാര്‍ ആശുപത്രിയില്‍ പ്രവേശിപ്പിച്ചു.
അപകടത്തെക്കുറിച്ച് വീരയൂര്‍ പോലീസ് അന്വേഷണം നടത്തിവരികയാണ്‌
തമിഴ്‌നാട്ടില്‍ മലയാളി വിനോദസഞ്ചാരികള്‍ സഞ്ചരിച്ച വാനും ബസും കൂട്ടിയിടിച്ച് നാലു മരണം
