കൊച്ചി: സംവിധായകന്‍ സമീര്‍ താഹിര്‍ അറസ്റ്റില്‍. സംവിധായകരായ ഖാലിദ് റഹ്മാന്‍, അഷ്‌റഫ് ഹംസ തുടങ്ങിയവരില്‍ നിന്നു ഹൈബ്രിഡ് കഞ്ചാവ് പിടികൂടിയ കേസിലാണ് എക്‌സൈസ് സമീര്‍ താഹിറിനെ അറസ്റ്റു ചെയ്തത്. പിന്നാലെ സ്റ്റേഷന്‍ ജാമ്യത്തില്‍ വിട്ടു.
കഞ്ചാവ് ഉപയോഗത്തെക്കുറിച്ച് തനിക്ക് അറിയില്ലെന്നാണ് സമീര്‍ താഹിറിന്റെ മൊഴി. സംവിധായകര്‍ പിടിയിലായത് സമീര്‍ താഹിറിന്റെ ഉടമസ്ഥതയിലുള്ള ഫ്‌ളാറ്റില്‍ വച്ചായിരുന്നു. ഫ്‌ളാറ്റിന്റെ ഉടമയെന്ന നിലയ്ക്കാണ് സമീറിനെ എക്‌സൈസ് ചോദ്യം ചെയ്യലിന് വിളിപ്പിച്ചത്.
രണ്ടാം തവണയാണ് എക്‌സൈസ് കൊച്ചിയിലെ ഗോശ്രീ പാലത്തിനു സമീപത്തുള്ള സമീറിന്റെ ഫ്‌ളാറ്റില്‍ പരിശോധന നടത്തുന്നത്. ഫ്‌ളാറ്റില്‍ വ്യാപകമായി ലഹരി ഉപയോഗം നടക്കുന്നതായാണ് എക്‌സൈസ് പറയുന്നത്.