ഹുലെന്‍ബെര്‍: ഏഷ്യന്‍ ചാംപ്യന്‍സ് ട്രോഫി ഹോക്കി ഫൈനലില്‍ ആതിഥേയരായ ചൈനയെ ഏകപക്ഷീയമായ ഒരു ഗോളിന് പരാജയപ്പെടുത്തി ഇന്ത്യയ്ക്ക് വീണ്ടും കിരീടം. അഞ്ചാം തവണയാണ് ഇന്ത്യ ഏഷ്യന്‍ ചാംപ്യന്‍സ് ട്രോഫി കിരീടം നേടുന്നത്.
ജുഗ്‌രാജ് സിംഗ് 51-ാം മിനുട്ടില്‍ നേടിയ ഗോളാണ് ഇന്ത്യയ്്ക്ക് കപ്പിലേക്കുള്ള വഴി തുറന്നത്. അഭിഷേകില്‍ നിന്നുള്ള പാസ് ജുഗ്‌രാജ് ഗോളാക്കുകയായിരുന്നു. 2011, 2016, 2021 വര്‍ഷങ്ങളില്‍ ചാംപ്യന്‍മാരായ ഇന്ത്യ 2018ല്‍ പാകിസ്താനുമായി കിരീടം പങ്കുവെക്കുകയായിരുന്നു.
സെമി ഫൈനലില്‍ പാകിസ്താനെ പരാജയപ്പെടുത്തിയാണ് ചൈന ആദ്യമായി ഫൈനലിലെത്തിയത്. ദക്ഷിണ കൊറിയയുമായി ഒന്നിനെതിരെ നാല് ഗോളുകള്‍ നേടി ആധികാരിക വിജയം നേടിയാണ് ഇന്ത്യ ഫൈനല്‍ പ്രവേശനം നേടിയത്.