ഫ്‌ളോറിഡ : ബസില്‍ യാത്രാക്കാരുമായുള്ള സംഘര്‍ഷത്തിനിടെ ഡ്രൈവറുടെ വെടിയേറ്റ് രണ്ടുപേര്‍ കൊല്ലപ്പെട്ടു. ഫ്‌ളോറിഡയിലെ മയാമിഡേയ്ഡ് ട്രാന്‍സിറ്റ് ബസിലെ ഡ്രൈവറാണ് യാത്രക്കാരെ വെടിവെച്ചു കൊലപ്പെടുത്തിയത്.
ഞായറാഴ്ച പുലര്‍ച്ചെ 3 മണിക്കാണ് വെടിവയ്പ്പ് ഉണ്ടായതെന്ന് മയാമി ഗാര്‍ഡന്‍സ് പൊലീസ് ഡിപ്പാര്‍ട്ട്‌മെന്റിലെ ഓഫിസര്‍ ഡയാന ഡെല്‍ഗാഡോ വാര്‍ത്താ സമ്മേളനത്തില്‍ പറഞ്ഞു. വെടിയേറ്റ് ഗുരുതരാവസ്ഥയിലായ രണ്ട് യാത്രക്കാരെയും എച്ച്‌സിഎ ഫ്‌ളോറിഡ അവഞ്ചൂറ ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല.
വെടിവയ്പ്പ് സമയത്ത് ബസ് ഓടിക്കൊണ്ടിരിക്കുകയായിരുന്നോ എന്നും ബസില്‍ എത്ര യാത്രക്കാര്‍ ഉണ്ടായിരുന്നുവെന്നോ എന്നും വ്യക്തമല്ല. െ്രെഡവറെ പൊലീസ് കസ്റ്റഡിയിലെടുത്തതായും സംഭവത്തെക്കുറിച്ച് കൂടുതല്‍ അന്വേഷണം നടത്തുകയാണെന്നും ഡയാന ഡെല്‍ഗാഡോ പറഞ്ഞു.
ബസില്‍ സംഘര്‍ഷം; ഡ്രൈവര്‍ രണ്ട് യാത്രക്കാരെ വെടിവെച്ചുകൊന്നു
