വാഷിംഗ്ടണ്‍: യൂട്ടാ വാലി യൂണിവേഴ്‌സിറ്റിയില്‍ ചാര്‍ളി കിര്‍ക്ക് വെടിയേറ്റ് കൊല്ലപ്പെട്ടതിന് പിന്നാലെ ഘാതകന്റെ ആയുധമെന്ന് സംശയിക്കുന്ന തോക്ക് അന്വേഷണ ഉദ്യോഗസ്ഥര്‍ സമീപത്തെ വനപ്രദേശത്തു നിന്നും കണ്ടെടുത്തു.
ഉയര്‍ന്ന ശക്തിയുള്ള ബോള്‍ട്ട്-ആക്ഷന്‍ റൈഫിള്‍ ആണ് കണ്ടെടുത്തതെന്ന് എഫ് ബി ഐ സ്‌പെഷ്യല്‍ ഏജന്റ് ഇന്‍ ചാര്‍ജ് റോബര്‍ട്ട് ബോള്‍സ് പറഞ്ഞു. വെടിവച്ചയാള്‍ രക്ഷപ്പെടുന്നതിനിടയില്‍ റൈഫിള്‍ വനപ്രദേശത്ത് നിന്ന് കണ്ടെടുത്തുവെന്നും എഫ്ബിഐ ലബോറട്ടറി ഈ ആയുധം വിശകലനം ചെയ്യുമെന്നും അ്‌ദ്ദേഹം അറിയിച്ചു.
പാദരക്ഷകളുടെ മുദ്രകള്‍ ഉള്‍പ്പെടെ അന്വേഷണ ഉദ്യോഗസ്ഥര്‍ വിശകലനം ചെയ്യുന്നുണ്ട്.
അന്വേഷണം തുടരുകയാണെന്ന് അറിയിച്ച ഉദ്യോഗസ്ഥര്‍ സംശയിക്കപ്പെടുന്ന വെടിവെപ്പുകാരനെക്കുറിച്ചുള്ള കൂടുതല്‍ വിവരങ്ങള്‍ പുറത്തുവിടാന്‍ വിസമ്മതിച്ചു.
കൊലയാളിയെന്ന് സംശയിക്കുന്നയാളുടെ നീക്കങ്ങള്‍ അന്വേഷണ ഉദ്യോഗസ്ഥര്‍ വീഡിയോ ദൃശ്യങ്ങള്‍ വഴി ട്രാക്ക് ചെയ്തതായി പറഞ്ഞു.
കൊലയാളിയെ ട്രാക്ക് ചെയ്യാനുള്ള തങ്ങളുടെ കഴിവില്‍ വിശ്വാസമുണ്ടെന്നും ഉദ്യോഗസ്ഥന്‍ പറഞ്ഞു. കൊലയാളിയെ പെട്ടെന്ന് തിരിച്ചറിയുന്നതില്‍ പരാജയപ്പെട്ടാല്‍ പൊതുജനങ്ങളുടെ സഹായം തേടാന്‍ ഫോട്ടോകള്‍ പ്രചരിപ്പിക്കുന്നതില്‍ മാധ്യമങ്ങളുടെയും സഹായം തേടുമെന്നും അറിയിച്ചു.
വെടിവെപ്പ് നടത്തിയയാള്‍ യുവിയുവിന്റെ കാമ്പസിലേക്ക് പോകുന്നത് കണ്ടെത്തിയിരുന്നു.
കാമ്പസിലേക്ക്, പടിക്കെട്ടുകള്‍ വഴി, മേല്‍ക്കൂര വരെ, മേല്‍ക്കൂരയ്ക്ക് കുറുകെ ഒരു ഷൂട്ടിംഗ് സ്ഥലത്തേക്ക് അവന്റെ നീക്കങ്ങള്‍ ഞങ്ങള്‍ നിരീക്ഷിച്ചുവെന്നും അറിയിച്ചു. വെടിവയ്പ്പിന് ശേഷം, അയാള്‍ കെട്ടിടത്തിന്റെ മറുവശത്തേക്ക് നീങ്ങിയപ്പോള്‍, കെട്ടിടത്തില്‍ നിന്ന് ചാടി, കാമ്പസില്‍ നിന്ന് പുറത്തേക്ക് ഓടുകയായിരുന്നു.
കൊലയാളിയെന്ന് സംശയിക്കുന്നയാളുടെ നല്ല വീഡിയോ ദൃശ്യങ്ങള്‍ പക്കലുണ്ടെന്നും എന്നാല്‍ ഇപ്പോള്‍ അത് പുറത്തുവിടാന്‍ പോകുന്നില്ലെന്നും ഈ വ്യക്തിയെ തിരിച്ചറിയുന്നതിനുള്ള ചില സാങ്കേതികവിദ്യകളിലൂടെയും ചില വഴികളിലൂടെയും ഞങ്ങള്‍ പ്രവര്‍ത്തിക്കുന്നുവെന്നും അറിയിച്ചു.
കിര്‍ക്കിന്റെ കൊലയാളിയെ കണ്ടെത്താന്‍ എഫ്ബിഐ ഏജന്റുമാര്‍ യൂട്ടാ നിയമപാലകരുമായി സഹകരിച്ച് പ്രവര്‍ത്തിക്കുന്നുണ്ട്.