ന്യൂ സൗത്ത് വെയില്‍സ്: തിങ്കളാഴ്ച (ഏപ്രില്‍ 15) സിഡ്നിയിലെ പള്ളിയില്‍ നടന്ന ദിവ്യബലിയുടെ തത്സമയ സ്ട്രീമിനിടെ ബിഷപ്പിന് കുത്തേറ്റ സംഭവം തീവ്രവാദി ആക്രമണമായി കണക്കാക്കി അന്വേഷണം നടത്തിവരികയാണെന്ന് ഓസ്ട്രേലിയയിലെ ന്യൂ സൗത്ത് വെയില്‍സ് പോലീസ് അറിയിച്ചു.
ഓസ്‌ട്രേലിയയെ ഞെട്ടിച്ച സംഭവം തീവ്രവാദി ആക്രമണമായി അന്വേഷിക്കാനുള്ള തീരുമാനം ചൊവ്വാഴ്ച (ഏപ്രില്‍ 16)എടുത്തതായി പ്രധാനമന്ത്രി ക്രിസ് മിന്‍സ് പറഞ്ഞു.
സംഭവത്തെക്കുറിച്ച് അന്വേഷിക്കാന്‍ സ്ട്രൈക്ക് ഫോഴ്സ് രൂപീകരിച്ചതായി ന്യൂ സൗത്ത് വെയില്‍സ് പോലീസ് കമ്മീഷണര്‍ കാരെന്‍ വെബ് പറഞ്ഞു.
''ഇത് വലുതും ഗൗരവമേറിയതുമായ ക്രിമിനല്‍ അന്വേഷണമാണ്. ഈ കുറ്റകൃത്യത്തിന്റെ അന്വേഷണത്തിനായി ന്യൂ സൗത്ത് വെയില്‍സ് പോലീസിന് അവരുടെ വിഭവങ്ങളും ബുദ്ധിശക്തിയും ഉദ്യോഗസ്ഥരും വിനിയോഗിക്കാന്‍ കഴിയുന്നത് നിര്‍ണായകമാണ്, ''മിന്‍സ് ചൊവ്വാഴ്ച പറഞ്ഞു.
പ്രമുഖ ഓര്‍ത്തഡോക്‌സ് ക്രിസ്ത്യന്‍ ആദ്ധ്യാത്മിക നേതാവിന് പള്ളിയുടെ അള്‍ത്താരയില്‍ വെച്ച്കുത്തേറ്റതിനെ തുടര്‍ന്ന് തിങ്കളാഴ്ച രാത്രി പടിഞ്ഞാറന്‍ സിഡ്‌നിയില്‍ നൂറുകണക്കിന് ആളുകള്‍ തെരുവിലിറങ്ങി പോലീസുമായി ഏറ്റുമുട്ടി.
സംഭവത്തിന് ശേഷം കുറ്റവാളിയെന്ന് സംശയിക്കുന്ന 15 വയസുകാരനെ പോലീസ് അറസ്റ്റ് ചെയ്തു.
പള്ളിയില്‍ കുത്തേറ്റ സംഭവം നടന്നത് എങ്ങനെ?
സിഡ്നിയിലെ വേക്ലിയിലുള്ള ക്രൈസ്റ്റ് ദി ഗുഡ് ഷെപ്പേര്‍ഡ് പള്ളിയിലാണ് കത്തിക്കുത്ത് സംഭവം നടന്നത്.
ആക്രമണത്തില്‍ കുറഞ്ഞത് നാല് പേര്‍ക്ക് കുത്തേറ്റിരുന്നു. എന്നാല്‍ ഇവരില്‍ ആരുടേയും ജീവന് ഭീഷണിയില്ലെന്ന് പോലീസ് സ്ഥിരീകരിച്ചു.
സംഭവം സംഘര്‍ഷത്തിനിടയാക്കി
സംഭവത്തെത്തുടര്‍ന്ന് നൂറുകണക്കിന് ആളുകള്‍ പോലീസ് ഉദ്യോഗസ്ഥരുമായി ഏറ്റുമുട്ടി. പ്രതിഷേധങ്ങള്‍ക്കിടയില്‍ രണ്ട് പേര്‍ക്ക് പരിക്കേല്‍ക്കുകയും 20 പോലീസ് വാഹനങ്ങള്‍ക്ക് കേടുപാടുകള്‍ സംഭവിക്കുകയും ചെയ്തു.
കലാപത്തില്‍ ഉള്‍പ്പെട്ടവരെ പോലീസ് തിരഞ്ഞുകൊണ്ടിരിക്കുകയാണെന്നും അവരുടെ പ്രവര്‍ത്തനങ്ങള്‍ അംഗീകരിക്കാനാവില്ലെന്നും പോലീസ് ചീഫ് കമ്മീഷണര്‍ കാരെന്‍ വെബ്ബ് പറഞ്ഞു.
ഒരു ജനക്കൂട്ടം 'ആ പ്രദേശത്ത് ഒത്തുകൂടി പോലീസിനെതിരെ സംഘടിക്കാന്‍ തുടങ്ങിയെന്ന് വെബ് പറഞ്ഞു. തുടക്കത്തില്‍ 50 ഓളം പേരുണ്ടായിരുന്ന ജനക്കൂട്ടം പിന്നീട് ഏകദേശം 500 ആയി വര്‍ദ്ധിച്ചു.
'ആളുകള്‍ പോലീസിനെ ആക്രമിക്കാനും പോലീസിനും പോലീസ് ഉപകരണങ്ങള്‍ക്കും പോലീസ് വാഹനങ്ങള്‍ക്കും നേരെ മിസൈലുകള്‍ ഫയര്‍ചെയ്തു. ഇഷ്ടികകള്‍, കോണ്‍ക്രീറ്റ് പാലിംഗുകള്‍ എന്നിവ ഉള്‍പ്പെടെ പ്രദേശത്ത് ലഭ്യമായവ ഉപയോഗിച്ചുകൊണ്ടായിരുന്നു ആക്രമണമെന്ന് പോലീസ് പറഞ്ഞു.
കുറച്ച് പോലീസ് ഉദ്യോഗസ്ഥര്‍ക്ക് പരിക്കേറ്റു. ഇവരെ രാത്രി തന്നെ ആശുപത്രിയില്‍ പ്രവേശിപ്പിച്ചു, വെബ് പറഞ്ഞു.
''അത് അസ്വീകാര്യമാണ്, ആ കലാപത്തില്‍ ഉള്‍പ്പെട്ടവര്‍ക്ക് അവരുടെ വാതിലില്‍ ഒരു മുട്ട് പ്രതീക്ഷിക്കാം. അത് ഇന്ന് ആയിരിക്കില്ല. അത് നാളെ ആയിരിക്കില്ല. എന്നാല്‍ ഞങ്ങള്‍ നിങ്ങളെ കണ്ടെത്തും, ഞങ്ങള്‍ വന്ന് നിങ്ങളെ പിടികൂടും. അത് തീര്‍ത്തും അസ്വീകാര്യമാണ്-അദ്ദേഹം പറഞ്ഞു.
സിഡ്നിയിലെ വെസ്റ്റ്ഫീല്‍ഡ് ബോണ്ടി ജംഗ്ഷന്‍ കോംപ്ലക്സില്‍ ആള്‍ക്കൂട്ടത്തിനിടയില്‍ 40 കാരനായ ജോയല്‍ കൗച്ചി എന്നയാള്‍ അരാജകത്വവും പരിഭ്രാന്തിയും സൃഷ്ടിച്ചതിന് ഒരു ദിവസത്തിന് ശേഷമാണ് പള്ളിയിലെ കത്തിക്കുത്ത് സംഭവം നടന്നത്. ആദ്യസംഭവത്തില്‍ അഞ്ച് സ്ത്രീകള്‍ അടക്കം ആറ് പേരെയാണ് നീളമുള്ള ബ്ലേഡ് ഉപയോഗിച്ച് ജോയല്‍ കൗച്ചി കുത്തി കൊലപ്പെടുത്തിയത്.
പള്ളിയിലെ കത്തിക്കുത്ത് സംഭവം ഭീകരാക്രമണമെന്ന് ഓസ്ട്രേലിയന്‍ പോലീസ്
