വാഷിംഗ്ടണ്‍: ഇന്ത്യയ്ക്കെതിരായ തീരുവകള്‍ റഷ്യന്‍ പ്രസിഡന്റ് വ്ളാഡിമിര്‍ പുട്ടിനെ അലാസ്‌കയില്‍ ചര്‍ച്ചകള്‍ക്ക് അനുമതി നല്‍കാന്‍ സ്വാധീനിച്ചിരിക്കാമെന്ന് യു എസ് പ്രസിഡന്റ് ഡൊണാള്‍ഡ് ട്രംപ്. ഫോക്‌സ് ന്യൂസ് റേഡിയോയ്ക്ക് നല്‍കിയ അഭിമുഖത്തില്‍ പുട്ടിന്‍ തന്നെ കാണാനുള്ള ഒരു 'സാധ്യതയുള്ള' കാരണമാണിതെന്ന് ട്രംപ് സൂചന നല്‍കി.
'എല്ലാത്തിനും ഒരു സ്വാധീനമുണ്ട്' എന്ന് യു എസ് പ്രസിഡന്റ് ഊന്നിപ്പറഞ്ഞു. ഇന്ത്യയ്ക്കെതിരായ ദ്വിതീയ തീരുവകള്‍ 'അടിസ്ഥാനപരമായി റഷ്യയില്‍ നിന്ന് എണ്ണ വാങ്ങുന്നതില്‍ നിന്ന് അവരെ പിന്തിരിപ്പിച്ചു' എന്ന് കൂട്ടിച്ചേര്‍ത്തു.
ഈ മാസം ആദ്യമാണ് ട്രംപ് ഇന്ത്യക്കെതിരെ വന്‍തോതിലുള്ള തീരുവകള്‍ ചുമത്തിയത്. തുടക്കത്തില്‍ ഇത് 25 ശതമാനമായിരുന്നു. എന്നാല്‍ പിന്നീട് ട്രംപ് അധിക തീരുവകള്‍ ഏര്‍പ്പെടുത്തുകയായിരുന്നു. യുക്രെയ്ന്‍- റഷ്യ യുദ്ധത്തിനിടെ റഷ്യന്‍ സമ്പദ് വ്യവസ്ഥയെ സഹായിക്കാന്‍ അവരില്‍ നിന്നും ന്യൂഡല്‍ഹി എണ്ണ ഇറക്കുമതി ചെയ്യുന്നു എന്നുപറഞ്ഞാണ് ട്രംപ് ഇറക്കുമതി തീരുവ 50 ശതമാനമായി വര്‍ധിപ്പിച്ചത്.
റഷ്യയുടെ രണ്ടാമത്തെ വലിയ ഉപഭോക്താവിനെ നഷ്ടപ്പെടുകയും ആദ്യത്തെ വലിയ ഉപഭോക്താവിനെ നഷ്ടപ്പെടാന്‍ സാധ്യതയുണ്ടെങ്കില്‍ അതില്‍ ഒരു പങ്കുണ്ടെന്നാണ് താന്‍ കരുതുന്നതെന്നും ട്രംപ് പറഞ്ഞു.
റഷ്യ ഇപ്പോള്‍ യു എസിനെ ബഹുമാനിക്കുന്നുവെന്ന് ട്രംപ് തുടര്‍ന്നു. ബൈഡന്റെ കീഴില്‍ അദ്ദേഹം അതിനെ ബഹുമാനിച്ചില്ലെന്നും കൂട്ടിച്ചേര്‍ത്തു.
എല്ലാവരും അമേരിക്കയിലേക്ക് മടങ്ങുകയാണെന്നു പറഞ്ഞ ട്രംപ് കാര്‍ കമ്പനികള്‍, എഐ കമ്പനികള്‍ തുടങ്ങിയവയെല്ലാം അമേരിക്കയിലേക്ക് മടങ്ങിയെത്തുകയാണെന്നും അവരെല്ലാം ഇപ്പോള്‍ അവരുടെ ഫാക്ടറികള്‍ ആരംഭിക്കുകയാണെന്നും ഇതുപോലൊന്ന് നമുക്ക് ഒരിക്കലും ഉണ്ടായിട്ടില്ല എന്നതാണ് സാധ്യതയെന്നും ഇത് യഥാര്‍ഥത്തില്‍ അമേരിക്കയുടെ സുവര്‍ണ്ണ കാലഘട്ടമാണെന്നും ട്രംപ് പറഞ്ഞു.