ടെല്അവീവ്: ഇറാന് വെടിവച്ചിട്ട യു എസ് യുദ്ധവിമാനത്തിലെ ക്രൂ അംഗങ്ങള്ക്കായുള്ള തിരച്ചിലും രക്ഷാപ്രവര്ത്തനങ്ങളും തടസ്സപ്പെടാതിരിക്കാന് ഇസ്രായേല് ആസൂത്രണം ചെയ്ത ചില ആക്രമണങ്ങള് മാറ്റിവച്ചതായി ഒരു ഇസ്രായേലി ഉദ്യോഗസ്ഥന് സി എന് എന്നിനോട് പറഞ്ഞു.
റിപ്പോര്ട്ടുകള് പ്രകാരം ക്രൂ അംഗങ്ങളില് ഒരാളെ യു എസ് സേന രക്ഷപ്പെടുത്തിയിട്ടുണ്ടെങ്കിലും മറ്റൊരാളെ കുറിച്ച് ഇതുവരെ വിവരങ്ങളൊന്നും ലഭിച്ചിട്ടില്ല.
അതിനിടെ ഇറാന് യുദ്ധം നിയന്ത്രണാതീതമാകുന്നത് തടയാന് തുര്ക്കി എല്ലാ കക്ഷികളുമായും ബന്ധം പുലര്ത്തുന്നുണ്ടെന്ന് തുര്ക്കി പ്രസിഡന്റ് തയ്യിപ് എര്ദോഗന് വെള്ളിയാഴ്ച റഷ്യന് പ്രസിഡന്റ് വ്ളാഡിമിര് പുടിനോട് ഫോണില് പറഞ്ഞതായി എര്ദോഗന്റെ ഓഫീസ് അറിയിച്ചു.
ഇറാനെതിരായ ആക്രമണങ്ങളെ തുര്ക്കി അംഗീകരിക്കുന്നില്ലെന്നും പ്രാദേശിക രാജ്യങ്ങള്ക്കെതിരായ ഇറാന്റെ പ്രതികാര നടപടികളെയും അംഗീകരിക്കുന്നില്ലെന്നും എര്ദോഗന് പുടിനോട് പറഞ്ഞു.