വത്തിക്കാന്‍: ലിയോ പതിനാലാമന്‍ മാര്‍പ്പാപ്പയെ ജോര്‍ദാന്‍ രാജാവ് അബ്ദുള്ള രണ്ടാമന്‍ സന്ദര്‍ശിച്ചു. വത്തിക്കാനിലെ അപ്പസ്‌തോലിക് കൊട്ടാരത്തില്‍ നടന്ന ആദ്യ കൂടിക്കാഴ്ചയില്‍ അബ്ദുള്ള രാജാവിനൊപ്പം ഭാര്യ റാനിയ രാജ്ഞിയും ഉണ്ടായിരുന്നു.
മാര്‍പ്പാപ്പയെ ജോര്‍ദാനിലേയ്ക്കു ക്ഷണിച്ച രാജാവ് ജോര്‍ദാനില്‍ ഈശോയുടെ ജ്ഞാനസ്‌നാനം നടന്ന സ്ഥലം ഉള്‍പ്പടെ ക്രൈസ്തവ പൈതൃക സ്ഥലങ്ങള്‍ സംരക്ഷിക്കുന്നതിന് തങ്ങള്‍ ശ്രദ്ധാലുക്കളാണെന്നും തുടര്‍ന്നും സംരക്ഷണത്തിന് തങ്ങള്‍ പ്രതിജ്ഞാബദ്ധരാണെന്നും മാര്‍പ്പാപ്പയെ അറിയിച്ചു.
ജോര്‍ദാന്‍- വത്തിക്കാന്‍ ബന്ധം, സഹകരണത്തിനുള്ള വഴികള്‍, സഹിഷ്ണുതയുടെയും സംഭാഷണത്തിന്റേയും മൂല്യങ്ങള്‍ പ്രോത്സാഹിപ്പിക്കല്‍ തുടങ്ങിയ വഷയങ്ങള്‍ മാര്‍പ്പാപ്പയും രാജാവും ചര്‍ച്ച ചെയ്തു. ഫ്രാന്‍സിസ് മാര്‍പ്പാപ്പയുടെ സംസ്‌കാരച്ചടങ്ങില്‍ അബ്ദുള്ള രാജാവും റാനിയ രാജ്ഞിയും പങ്കെടുത്തിരുന്നു.