കീവ്: ഏകദേശം മൂന്നു വര്‍ഷമായി യുക്രെയ്‌നില്‍ തുടരുന്ന റഷ്യന്‍ അധിനിവേശം 2025ല്‍ അവസാനിപ്പിക്കുമെന്ന് പ്രസിഡന്റ് വോളോഡിമിര്‍ സെലെന്‍സ്‌കി പറഞ്ഞു. ചരിത്രത്തിലാദ്യമായി ഒരു യുക്രെയ്‌നിയന്‍ ഡ്രോണ്‍ റഷ്യന്‍ ഹെലികോപ്റ്റര്‍ വെടിവെച്ചിട്ടതിന് പിന്നാലെയാണ് സെലെന്‍സ്‌കി ഇക്കാര്യം പറഞ്ഞത്.
പ്രയാസകരമായ ഒരു വര്‍ഷത്തിന്റെ അവസാനത്തില്‍ യുദ്ധത്തില്‍ തകര്‍ന്ന രാജ്യത്തെ അഭിസംബോധന ചെയ്യുകയായിരുന്നു അദ്ദേഹം. മെയ് 2025 നമ്മുടെ വര്‍ഷമായിരിക്കുമെന്നും അദ്ദേഹം പറഞ്ഞു.
'സമാധാനം സമ്മാനമായി ലഭിക്കില്ലെന്ന് തങ്ങള്‍ക്ക് അറിയാമെന്നും റഷ്യയെ തടയാനും യുദ്ധം അവസാനിപ്പിക്കാനും രാജ്യം എല്ലാം ചെയ്യുമെന്നും അദ്ദേഹം പറഞ്ഞു.
വരും വര്‍ഷത്തില്‍ എല്ലാ ദിവസവും താനും നമ്മളെല്ലാവരും കരുത്തുള്ള ഒരു യുക്രെയ്‌നിനായി പോരാടണമെന്നും അദ്ദേഹം പറഞ്ഞു. യുദ്ധക്കളത്തിലും ചര്‍ച്ചാ മേശയിലും അത്തരമൊരു യുക്രെയ്ന്‍ മാത്രമേ ബഹുമാനിക്കപ്പെടുകയും കേള്‍ക്കുകയും ചെയ്യുകയുള്ളൂവെന്നും പ്രസിഡന്റ് കൂട്ടിച്ചേര്‍ത്തു.
എ എഫ് പിയുടെ വിശകലനം അനുസരിച്ച് 2023ലേതിനേക്കാള്‍ ഏഴ് മടങ്ങ് കൂടുതല്‍ പ്രദേശമാണ് 2024ല്‍ മോസ്‌കോയ്ക്ക് നഷ്ടപ്പെട്ടത്.
പുതിയ അമേരിക്കന്‍ പ്രസിഡന്റ് സമാധാനം കൈവരിക്കാനും പുടിന്റെ ആക്രമണം അവസാനിപ്പിക്കാനും തയ്യാറാണെന്നും കഴിവുള്ളവനാണെന്നതില്‍ തനിക്ക് സംശയമില്ലെന്നും സെലെന്‍സ്‌കി പറഞ്ഞു.
ട്രംപിന്റെ തിരിച്ചുവരവോടെ സൈനിക, സഹായ ബജറ്റ് കുറയാനുള്ള സാധ്യതയാണ് യുക്രെയ്ന്‍ നേരിടുന്നത്. കീവിലേക്ക് അയച്ച സൈനിക സഹായം യു എസ് വിഭവങ്ങളുടെ ചോര്‍ച്ചയാണെന്ന് ട്രംപ് മുമ്പ് പരാമര്‍ശിച്ചിരുന്നു.
'ചരിത്രപരമായി ആദ്യത്തേത്' എന്ന് പറഞ്ഞ് യുക്രെയ്‌നിന്റെ സൈനിക രഹസ്യാന്വേഷണ വിഭാഗം ടെലിഗ്രാമിലും എക്സിലും ഒരു വീഡിയോ പോസ്റ്റ് ചെയ്തു. തങ്ങളുടെ സൈന്യം ആക്രമണ ഡ്രോണ്‍ ഉപയോഗിച്ച് റഷ്യന്‍ വ്യോമ ലക്ഷ്യസ്ഥാനം തകര്‍ക്കുന്നതായിരുന്നു വീഡിയോ. റിപ്പോര്‍ട്ടുകള്‍ പ്രകാരം യുക്രെയ്‌നിലെ ഏറ്റവും നൂതനമായ ഡ്രോണ്‍ ബോട്ടുകളിലൊന്നാണ് മഗുര വി5 നേവല്‍ അറ്റാക്ക് ഡ്രോണ്‍ എന്ന മിസൈല്‍ ആയുധങ്ങള്‍ ഘടിപ്പിച്ച അണ്‍ക്രൂഡ് സര്‍ഫേസ് വെസ്സലുകള്‍.