കണക്ടിക്കട്ട്: നോര്‍ത്ത് ഈസ്റ്റ് അമേരിക്കന്‍ ഭദ്രാസന ഫാമിലി ആന്റ് യൂത്ത് കോണ്‍ഫറന്‍സിനെ പ്രതിനിധീകരിച്ച് ടീം ഹാര്‍ട്ട്‌ഫോര്‍ഡ് സെന്റ് തോമസ് ഓര്‍ത്തഡോക്‌സ് ഇടവക സന്ദര്‍ശിച്ചു.
വികാരി ഫാ. കുര്യാക്കോസ് അലക്‌സ് കോണ്‍ഫറന്‍സ് കമ്മിറ്റി അംഗങ്ങളെ സ്വാഗതം ചെയ്തു. ഈ വര്‍ഷം കോണ്‍ഫറന്‍സ് കണക്റ്റിക്കട്ട് സംസ്ഥാനത്ത് നടക്കുന്നതിനാല്‍ എല്ലാവരും രജിസ്റ്റര്‍ ചെയ്യണമെന്ന് അദ്ദേഹം അഭ്യര്‍ഥിച്ചു. ഇത് എല്ലാവര്‍ക്കും ഭദ്രാസന തലത്തിലുള്ള പരിപാടിയില്‍ പങ്കെടുക്കാനുള്ള മികച്ച അവസരമാണ്.
കോണ്‍ഫറന്‍സ് ജോയിന്റ് സെക്രട്ടറി ഡോ. ഷെറിന്‍ എബ്രഹാം ഇടവകയെ അഭിസംബോധന ചെയ്യുകയും ഇടവക ഭാരവാഹികളായ ബിനു ചാണ്ടി (ട്രസ്റ്റി), ഐസക് പി ചെറിയാന്‍ (ഭദ്രാസന അസംബ്ലി അംഗവും മലങ്കര അസോസിയേഷന്‍ അംഗവും), മാത്യു സാമുവല്‍ (കോണ്‍ഫറന്‍സ് മീഡിയ കമ്മിറ്റി) എന്നിവരെ വേദിയിലേക്ക് ക്ഷണിച്ചു. കോണ്‍ഫറന്‍സിന്റെ സ്ഥലം, തിയ്യതി, പ്രഭാഷകര്‍ എന്നിവയുള്‍പ്പെടെയുള്ള പ്രധാന വിവരങ്ങളും ഷെറിന്‍ പങ്കുവെച്ചു. സമീപ വര്‍ഷങ്ങളില്‍ നമ്മുടെ യുവതീയുവാക്കള്‍ നേതൃപാടവം എങ്ങനെ ഏറ്റെടുത്തുവെന്ന് ഷെറിന്‍ എടുത്തുകാണിക്കുകയും നമ്മുടെ ഭദ്രാസനത്തിന്റെ ഏറ്റവും വലിയ ആത്മീയ ശുശ്രൂഷയില്‍ സഭയുടെ ഭാവിയായ യുവതീയുവാക്കളെ ഉള്‍പ്പെടുത്തേണ്ടതിന്റെ പ്രാധാന്യം ഊന്നിപ്പറയുകയും ചെയ്തു.
പ്രേംസി ജോണ്‍ II (കോണ്‍ഫറന്‍സ് ഫിനാന്‍സ് കമ്മിറ്റി അംഗം) രജിസ്‌ട്രേഷന്‍ വിശദാംശങ്ങള്‍ പങ്കുവെക്കുകയും എത്രയും വേഗം രജിസ്റ്റര്‍ ചെയ്യാന്‍ എല്ലാവരെയും പ്രോത്സാഹിപ്പിക്കുകയും ചെയ്തു. മാത്യു ജോഷ്വ (മുന്‍ കോണ്‍ഫറന്‍സ് ട്രഷറര്‍) സ്‌പോണ്‍സര്‍ഷിപ്പ് അവസരങ്ങളെയും അതിന്റെ നേട്ടങ്ങളെയും വിശദീകരിച്ചു. ഈ വര്‍ഷം സ്‌പോണ്‍സര്‍മാര്‍ക്ക് മാത്രം ലഭ്യമായ റാഫിളിനെക്കുറിച്ചും അദ്ദേഹം സംസാരിച്ചു. കോണ്‍ഫറന്‍സ് പോലുള്ള പരിപാടികളില്‍ നമ്മുടെ യുവാക്കളുടെ പങ്കാളിത്തത്തിന്റെ പ്രാധാന്യവും അദ്ദേഹം ആവര്‍ത്തിച്ചു. കെസിയ എബ്രഹാം (മീഡിയ ആന്‍ഡ് എന്റര്‍ടൈന്‍മെന്റ് കമ്മിറ്റി) സുവനീര്‍ ആവശ്യങ്ങളെക്കുറിച്ചും പരസ്യങ്ങളും അഭിനന്ദനങ്ങളും ചേര്‍ക്കുന്നതിനുള്ള അവസരത്തെപ്പറ്റിയും അറിയിച്ചു. കോണ്‍ഫറന്‍സിലെ ഏറ്റവും പ്രതീക്ഷയോടെ കാത്തിരിക്കുന്ന ടാലന്റ് നൈറ്റില്‍ പങ്കെടുക്കാനും കെസിയ ഓര്‍മ്മിപ്പിച്ചു. മൂന്നാം വയസ്സ് മുതല്‍ കോണ്‍ഫറന്‍സില്‍ പങ്കെടുക്കുന്ന ഫിയോണ ജോണ്‍ II (രജിസ്‌ട്രേഷന്‍ കമ്മിറ്റി) തന്റെ അനുഭവം പങ്കുവെച്ചു. ഫാമിലി ആന്റ് യൂത്ത് കോണ്‍ഫറന്‍സ് കാരണം താന്‍ എങ്ങനെ ദീര്‍ഘകാല സൗഹൃദങ്ങള്‍ സ്ഥാപിച്ചുവെന്ന് ഫിയോണ പരാമര്‍ശിച്ചു.
ഫാ. കുര്യാക്കോസ് അലക്‌സ് കോണ്‍ഫറന്‍സ് കമ്മിറ്റിക്ക് നന്ദി പറഞ്ഞുകൊണ്ട് ഇടവകാംഗങ്ങള്‍ രജിസ്റ്റര്‍ ചെയ്യാനും പിന്തുണയ്ക്കാനും ആഹ്വാനം ചെയ്തു.
പിന്നീട് ഫെലോഷിപ്പ് സമയത്തും ഉച്ചഭക്ഷണ സമയത്തും ഇടവകയിലെ നിരവധി അംഗങ്ങള്‍ സ്‌പോണ്‍സര്‍ഷിപ്പുകള്‍, സംഭാവനകള്‍, രജിസ്‌ട്രേഷനുകള്‍ എന്നിവയിലൂടെ പിന്തുണ വാഗ്ദാനം ചെയ്തു.
2025 ജൂലൈ 9 മുതല്‍ 12 വരെ കണക്ടിക്കട് ഹില്‍ട്ടണ്‍ സ്റ്റാംഫര്‍ഡ് ഹോട്ടല്‍ ആന്റ് എക്സിക്യൂട്ടീവ് മീറ്റിംഗ് സെന്ററിലാണ് കോണ്‍ഫറന്‍സ് നടക്കുന്നത്. റവ. ഡോ. നൈനാന്‍ വി ജോര്‍ജ് (ഓര്‍ത്തഡോക്‌സ് വൈദിക സംഘം ജനറല്‍ സെക്രട്ടറി, റവ. ഡോ. റ്റിമത്തി (ടെന്നി) തോമസ് (നോര്‍ത്ത് ഈസ്റ്റ് അമേരിക്കന്‍ ഭദ്രാസന സണ്‍ഡേ സ്‌കൂള്‍ ഡയറക്ടര്‍), ഫാ. ജോണ്‍ (ജോഷ്വ) വര്‍ഗീസ്, (സൗത്ത് വെസ്റ്റ് അമേരിക്കന്‍ ഭദ്രാസന യൂത്ത് മിനിസ്റ്റര്‍), റവ. ഡീക്കന്‍ അന്തോണിയോസ് (റോബി) ആന്റണി (ടാല്‍മീഡോ- നോര്‍ത്ത് ഈസ്റ്റ് അമേരിക്കന്‍ ഭദ്രാസന മെന്‍സ് മിനിസ്ട്രി ഡയറക്ടര്‍) എന്നിവരാണ് മുഖ്യ പ്രാസംഗികര്‍. 'നമ്മുടെ പൗരത്വം സ്വര്‍ഗത്തിലാണ്, അവിടെനിന്നുള്ള ഒരു രക്ഷകനായ കര്‍ത്താവായ യേശുക്രിസ്തുവിനെ ഞങ്ങള്‍ ആകാംക്ഷയോടെ കാത്തിരിക്കുന്നു''(ഫിലിപ്പിയര്‍ 3:20) എന്ന ബൈബിള്‍ വാക്യത്തെ അടിസ്ഥാനമാക്കിയുള്ള 'The Way of the Pilgrim' (പരദേശിയുടെ വഴി) എന്നതാണ് കോണ്‍ഫറന്‍സിന്റെ പ്രമേയം. ബൈബിള്‍, വിശ്വാസം, പാരമ്പര്യം, സമകാലിക വിഷയങ്ങള്‍ എന്നിവയെ അടിസ്ഥാനമാക്കി കുട്ടികള്‍ക്കും യുവജനങ്ങള്‍ക്കും മുതിര്‍ന്നവര്‍ക്കും പ്രത്യേകം സംവേദനാത്മക സെഷനുകള്‍ ഉണ്ടായിരിക്കും.
രജിസ്‌ട്രേഷനും വിശദാംശങ്ങള്‍ക്കും www.fycnead.org സന്ദര്‍ശിക്കുക.
കൂടുതല്‍ വിവരങ്ങള്‍ക്ക് ഫാ. അബു വര്‍ഗീസ് പീറ്റര്‍, കോണ്‍ഫറന്‍സ് കോര്‍ഡിനേറ്റര്‍ (ഫോണ്‍: 914-806-4595), ജെയ്സണ്‍ തോമസ്, കോണ്‍ഫറന്‍സ് സെക്രട്ടറി (ഫോണ്‍: 917.612.8832), ജോണ്‍ താമരവേലില്‍, കോണ്‍ഫറന്‍സ് ട്രഷറര്‍) (ഫോണ്‍: 917.533.3566) എന്നിവരുമായി ബന്ധപ്പെടുക.