ശ്രീനഗർ: ജമ്മു കശ്മീരിൽ സൈനിക വാഹനം കൊക്കയിലേക്ക് മറിഞ്ഞുണ്ടായ അപകടത്തിൽ അഞ്ച് സൈനികർക്ക് വീരമ‍്യത‍്യു. നിരവധി സൈനികർക്ക് പരുക്കേറ്റു. ചൊവാഴ്ച വൈകിട്ടോടെ പൂഞ്ചിലെ ബിൽനോയ് പ്രദേശത്താണ് അപകടമുണ്ടായത്.
സൈനികർ സഞ്ചരിച്ചിരുന്ന ട്രക്ക് 350 അടി താഴ്ചയുള്ള കൊക്കയിലേക്കാണ് മറിഞ്ഞത്. സൈന‍്യവും പൊലീസും സ്ഥലത്തെത്തിയാണ് രക്ഷാപ്രവർത്തനം തുടങ്ങിയത്.
18 സൈനികരാണ് ട്രക്കിലുണ്ടായിരുന്നത്. അപകടത്തിൽ പരുക്കേറ്റവരെ ആശുപത്രിയിലേക്ക് മാറ്റിയിട്ടുണ്ട്. ചില സൈനികരുടെ നില ഗുരുതരമാണ്. കഴിഞ്ഞ മാസം സമാന രീതിയിലുള്ള അപകടമുണ്ടാവുകയും ഒരു സൈനികൻ മരിക്കുകയും നിരവധി പേർക്ക് പരുക്കേൽക്കുകയും ചെയ്തിരുന്നു.