ന്യൂഡല്‍ഹി: പാക്കിസ്ഥാനി വനിതയില്‍ നിന്നും പണം വാങ്ങി ചാരവൃത്തി നടത്തിയെന്ന് ആരോപിച്ച് ബിഹാര്‍ സ്വദേശിയെ സൈന്യം അറസ്റ്റ് ചെയ്തു. ബിഹാര്‍ സ്വദേശി സുനിലാണ് (26) അറസ്റ്റിലായത്. മിലിട്ടറി ഏരിയയെ കുറിച്ചുള്ള വിവരങ്ങള്‍ ഇയാള്‍ പാക്കിസ്ഥാനി വനിതയ്ക്ക് കൈമാറിയെന്നാണ് കണ്ടെത്തല്‍.
ഇതിനുവേണ്ടി പാക്കിസ്ഥാനി വനിത സുനിലിന് പണം നല്‍കിയതായും അന്വേഷണത്തില്‍ കണ്ടെത്തിയിട്ടുണ്ട്. പാക്കിസ്ഥാന്‍ സ്വദേശികളുമായുള്ള വാട്‌സാപ് ചാറ്റുകള്‍ സൈന്യത്തിന്റെ നിരീക്ഷണത്തിലായിരുന്നു.
തുടര്‍ന്ന് നടത്തിയ പരിശോധനയിലാണ് വിവരങ്ങള്‍ സുനില്‍ ചോര്‍ത്തിയതായി കണ്ടെത്തിയത്. പിന്നാലെ ഇയാളെ കസ്റ്റഡിയിലെടുക്കുകയായിരുന്നു.