ന്യൂഡല്‍ഹി: രാജ്യവ്യാപകമായി വോട്ടര്‍ പട്ടികയില്‍ പ്രത്യേക തീവ്ര പുനഃപരിശോധനയുടെ (എസ് ഐ ആര്‍) ആദ്യഘട്ടം തിങ്കളാഴ്ച തെരഞ്ഞടുപ്പു കമ്മിഷന്‍ പ്രഖ്യാപിക്കും. ആദ്യഘട്ടത്തില്‍ നിയമസഭാ തെരഞ്ഞെടുപ്പ് ആസന്നമായ കേരളം, തമിഴ്‌നാട്, പശ്ചിമ ബംഗാള്‍, പുതുച്ചേരി സംസ്ഥാനങ്ങള്‍ ഉള്‍പ്പെട്ടേക്കും.
തമിഴ്‌നാട്ടില്‍ അടുത്തയാഴ്ച എസ് ഐ ആര്‍ നടപടികള്‍ക്കു തുടക്കമിടുമെന്നു തെരഞ്ഞെടുപ്പു കമ്മിഷന്‍ മദ്രാസ് ഹൈക്കോടതിയെ അറിയിച്ചിരുന്നു. എന്നാല്‍, തദ്ദേശ തെരഞ്ഞെടുപ്പ് നടക്കുന്ന സംസ്ഥാനങ്ങളില്‍ തെരഞ്ഞെടുപ്പു കമ്മിഷന്റെ താഴേത്തട്ടിലുള്ള ഉദ്യോഗസ്ഥരും ജീവനക്കാരും തിരക്കിലാണ്. ഇതു പരിഗണിച്ച് ഈ സംസ്ഥാനങ്ങള്‍ക്ക് സാവകാശം നല്‍കിയേക്കുമെങ്കിലും നിയമസഭാ തെരഞ്ഞെടുപ്പിനു മുന്‍പായി എസ് ഐ ആര്‍ പൂര്‍ത്തിയാക്കും.