ന്യൂഡൽഹി: ഇന്ത്യയിലുൾപ്പെടെ നിരവധി രാജ്യങ്ങളിൽ പണിമുടക്കി മസ്കിന്‍റെ സോഷ്യൽ മീഡിയ പ്ലാറ്റ്ഫോം എക്സ്. ലോകമെമ്പാടുമുള്ള സാങ്കേതിക തടസങ്ങൾ ട്രാക്ക് ചെയ്യുന്ന ഡൗൺഡിറ്റക്ടറിന്‍റെ കണക്കനുസരിച്ച്, ഉച്ചയ്ക്ക് ശേഷം 3.20 ഓടെ എക്സ് പ്ലാറ്റ്ഫോമിനെക്കുറിച്ച് കുറഞ്ഞത് 2028 പരാതികളെങ്കിലും ലഭിച്ചതായാണ് വിവരം.
ഇതോടെ എക്സ് ഉപഭോക്താക്കൾക്ക് ഒരു മണിക്കൂറോളം പേജ് ലോഡ് ചെയ്യാനോ ടൈംലൈൻ റിഫ്രഷ് ചെയ്യാനോ കഴിഞ്ഞിരുന്നില്ല. പിന്നീട് പ്രശ്നങ്ങൾ പരിഹരിച്ച് എക്സ് പ്രവർത്തനം പുനഃരാരംഭിച്ചു.