ന്യൂഡല്ഹി: ശബരിമല സ്വര്ണവുമായി ബന്ധപ്പെട്ട കേസില് ദേവസ്വം മുന് സെക്രട്ടറി ജയശ്രീ മുന്കൂര് ജാമ്യാപേക്ഷയുമായി സുപ്രിം കോടതിയെ സമീപിച്ചു. ജയശ്രീയുടെ മുന്കൂര് ജാമ്യാപേക്ഷ ഹൈക്കോടതി തള്ളിയിരുന്നു. തൊട്ടു പിന്നാലെയാണ് ആരോഗ്യകാരണങ്ങള് കണക്കിലെടുത്ത് മുന്കൂര് ജാമ്യം വേണമെന്ന ആവശ്യവുമായി സുപ്രിം കോടതിയിലെത്തിയത്.
ജയശ്രീയും മുന് അഡ്മിനിസ്ട്രേറ്റീവ് ഓഫിസര് എസ് ശ്രീകുമാറും അന്വേഷണ ഉദ്യോഗസ്ഥനു മുന്നില് ഹാജരാകണമെന്നാണ് ഹൈക്കോടതി നിര്ദേശം.
കസ്റ്റഡിയിലെടുത്ത് ചോദ്യം ചെയ്യേണ്ടതുണ്ടെന്ന പ്രോസിക്യൂഷന് വാദം അംഗീകരിച്ചാണ് ഹൈക്കോടതി മുന്കൂര് ജാമ്യാപേക്ഷ തള്ളിയത്. അഭിഭാഷകന് എ കാര്ത്തിക്കാണ് ജയശ്രീക്കായി സുപ്രിം കോടതിയെ സമീപിച്ചത്.