തിരുവനന്തപുരം : ജന്തര്മന്തറില് സമരം ചെയ്ത വിദ്യാര്ഥികളെ വെടിവെച്ചുകൊല്ലണമെന്ന വിവാദ പരാമര്ശം നടത്തിയെന്ന കേസില് ആര്എസ്എസ് നേതാവ് ടി.ജി. മോഹന്ദാസിന് ജാമ്യം. തിരുവനന്തപുരം അഡീഷനല് സെഷന്സ് കോടതിയാണ് ഉപാധികളോടെ ജാമ്യം അനുവദിച്ചത്. വിവാദ പരാമര്ശത്തിനെതിരെ വ്യാപക പ്രതിഷേധമുയര്ന്നിട്ടും പൊലീസ് നടപടിയില് തുടക്കംമുതല് ഉണ്ടായ കാലതാമസമാണ് കേസിനെ ചുറ്റിപ്പറ്റിയ പ്രധാന ചോദ്യങ്ങളിലൊന്ന്. അന്വേഷണ ഉേദ്യാഗസ്ഥര് ആവശ്യപ്പെടുമ്പോള് ഹാജരാകണം, അന്വേഷണവുമായി സഹകരിക്കണം, സമാനമായ കുറ്റകൃത്യങ്ങളില് ഏര്പ്പെടരുത് തുടങ്ങിയ വ്യവസ്ഥകളോടെയാണ് ജാമ്യം. ഇരുഭാഗത്തിന്റെയും വാദം കേട്ട ശേഷമാണ് കോടതി ജാമ്യം അനുവദിച്ചത്. എന്നാല് കേസിന്റെ തുടക്കം മുതല് പൊലീസ് സ്വീകരിച്ച നടപടികള്ക്കെതിരെ ഉയര്ന്ന വിമര്ശനങ്ങള്ക്ക് ഇതോടെ കൂടുതല് പ്രസക്തിയേറുകയാണ്. വിദ്യാര്ഥികള്ക്കെതിരായ മോഹന്ദാസിന്റെ വിവാദ പരാമര്ശത്തില് എഐവൈഎഫ് സംസ്ഥാന സെക്രട്ടറി ടി.ടി. ജിസ്മോനാണ് ആദ്യം പരാതി നല്കിയത്. പിന്നീട് നിരവധി പരാതികളും പൊലീസിന് ലഭിച്ചു. എന്നിട്ടും പ്രതിയെ ചോദ്യം ചെയ്യാന് വിളിപ്പിക്കുകയോ അറസ്റ്റ് ചെയ്യുകയോ ചെയ്യാത്തതില് വിമര്ശനം ശക്തമായിരുന്നു. പരാതികള് ലഭിച്ച് മൂന്നാം ദിവസമാണ് ഒടുവില് പൊലീസ് കേസെടുത്തത്. ജൂലൈ 29നാണ് കലാപാഹ്വാനത്തിന് കേസ് രജിസ്റ്റര് ചെയ്തത്. ജന്തര്മന്തറില് പ്രതിഷേധിച്ച വിദ്യാര്ഥികള്ക്കെതിരെ മോഹന്ദാസ് നടത്തിയ പരാമര്ശങ്ങള്ക്കെതിരെ വ്യാപക പ്രതിഷേധമാണ് ഉയര്ന്നത്. അശ്ലീലവും അധിക്ഷേപകരവുമായ ഉള്ളടക്കമുള്ള വിഡിയോകള് യൂട്യൂബ് ചാനലിലൂടെ പ്രചരിപ്പിച്ച് ലഹളയ്ക്ക് പ്രേരണ നല്കിയെന്നാണ് എഫ്ഐആറിലെ ആരോപണം. *പൊലീസ് നടപടിക്കെതിരെ കോടതി തന്നെ ചോദ്യം ഉന്നയിച്ചു* ജാമ്യാപേക്ഷ പരിഗണിക്കുമ്പോള് പ്രതിയെ അറസ്റ്റ് ചെയ്യുന്നതിന് മുന്പ് പൊലീസ് നോട്ടിസ് നല്കിയില്ലെന്ന വിഷയവും കോടതിയുടെ പരിഗണനയില് വന്നു. അറസ്റ്റിന് മുന്പ് പ്രതിക്ക് നോട്ടിസ് നല്കാത്തതെന്തെന്നായിരുന്നു കോടതിയുടെ ചോദ്യം. മോഹന്ദാസിനുവേണ്ടി ഹാജരായ അഭിഭാഷകന് പൊലീസിനെതിരെ ഗുരുതര ആരോപണങ്ങളാണ് ഉന്നയിച്ചത്. കസ്റ്റഡി അപേക്ഷ പോലും സമര്പ്പിക്കാതെ പ്രതിയെ എങ്ങനെ കസ്റ്റഡിയിലെടുക്കാനാകുമെന്ന് അഭിഭാഷകന് ചോദിച്ചു. പൊലീസ് നേരത്തെ അറിയിച്ചിരുന്നെങ്കില് യൂട്യൂബില്നിന്ന് വിഡിയോ നീക്കം ചെയ്യുമായിരുന്നുവെന്നും പരാതി രാഷ്ട്രീയപ്രേരിതമാണെന്നും അദ്ദേഹം വാദിച്ചു. ഇതോടെ കേസിലെ പ്രധാന ചോദ്യം വീണ്ടും ഉയരുകയാണ്: ഗുരുതരമായ ആരോപണങ്ങളുള്ള ഒരു കേസില് പൊലീസ് തുടക്കം മുതല് ഇത്രയും മന്ദഗതിയില് നീങ്ങേണ്ട സാഹചര്യമുണ്ടായിരുന്നോ? പരാതികള് ലഭിച്ചിട്ടും കേസ് രജിസ്റ്റര് ചെയ്യാന് ദിവസങ്ങളെടുത്തത് എന്തുകൊണ്ടാണെന്നതിനും വ്യക്തമായ വിശദീകരണം ആവശ്യമാണ്. വിവാദ പരാമര്ശം പൊതുസമൂഹത്തില് വലിയ പ്രതിഷേധത്തിന് വഴിവച്ചിട്ടും അന്വേഷണം കാര്യക്ഷമമായി മുന്നോട്ടുപോയോ എന്നതും പരിശോധിക്കപ്പെടേണ്ടതാണ്.
പേരിനൊരു കേസ്, മോഹന്ദാസിന് അനായാസ ജാമ്യം; വിവാദ പരാമര്ശത്തില് പൊലീസ് നടപടിയും ചോദ്യചിഹ്നത്തില്
തിരുവനന്തപുരം : ജന്തര്മന്തറില് സമരം ചെയ്ത വിദ്യാര്ഥികളെ വെടിവെച്ചുകൊല്ലണമെന്ന വിവാദ പരാമര്ശം നടത്തിയെന്ന കേസില് ആര്എസ്എസ് നേതാവ് ടി.ജി. മോഹന്ദാസിന് ജാമ്യം. തിരുവനന്തപുരം അഡീഷനല് സെഷന്സ് കോടതിയാണ് ഉപാധികളോടെ ജാമ്യം അനുവദിച്ചത്. വിവാദ പരാമര്ശത്തിനെതിരെ വ്യാപക പ്രതിഷേധമുയര്ന്നിട്ടും പൊലീസ് നടപടിയില് തുടക്കംമുതല് ഉണ്ടായ കാലതാമസമാണ് കേസിനെ ചുറ്റിപ്പറ്റിയ പ്രധാന ചോദ്യങ്ങളിലൊന്ന്. അന്വേഷണ ഉേദ്യാഗസ്ഥര് ആവശ്യപ്പെടുമ്പോള് ഹാജരാകണം, അന്വേഷണവുമായി സഹകരിക്കണം, സമാനമായ കുറ്റകൃത്യങ്ങളില് ഏര്പ്പെടരുത് തുടങ്ങിയ വ്യവസ്ഥകളോടെയാണ് ജാമ്യം. ഇരുഭാഗത്തിന്റെയും വാദം കേട്ട ശേഷമാണ് കോടതി ജാമ്യം അനുവദിച്ചത്. എന്നാല് കേസിന്റെ തുടക്കം മുതല് പൊലീസ് സ്വീകരിച്ച നടപടികള്ക്കെതിരെ ഉയര്ന്ന വിമര്ശനങ്ങള്ക്ക് ഇതോടെ കൂടുതല് പ്രസക്തിയേറുകയാണ്. വിദ്യാര്ഥികള്ക്കെതിരായ മോഹന്ദാസിന്റെ വിവാദ പരാമര്ശത്തില് എഐവൈഎഫ് സംസ്ഥാന സെക്രട്ടറി ടി.ടി. ജിസ്മോനാണ് ആദ്യം പരാതി നല്കിയത്. പിന്നീട് നിരവധി പരാതികളും പൊലീസിന് ലഭിച്ചു. എന്നിട്ടും പ്രതിയെ ചോദ്യം ചെയ്യാന് വിളിപ്പിക്കുകയോ അറസ്റ്റ് ചെയ്യുകയോ ചെയ്യാത്തതില് വിമര്ശനം ശക്തമായിരുന്നു. പരാതികള് ലഭിച്ച് മൂന്നാം ദിവസമാണ് ഒടുവില് പൊലീസ് കേസെടുത്തത്. ജൂലൈ 29നാണ് കലാപാഹ്വാനത്തിന് കേസ് രജിസ്റ്റര് ചെയ്തത്. ജന്തര്മന്തറില് പ്രതിഷേധിച്ച വിദ്യാര്ഥികള്ക്കെതിരെ മോഹന്ദാസ് നടത്തിയ പരാമര്ശങ്ങള്ക്കെതിരെ വ്യാപക പ്രതിഷേധമാണ് ഉയര്ന്നത്. അശ്ലീലവും അധിക്ഷേപകരവുമായ ഉള്ളടക്കമുള്ള വിഡിയോകള് യൂട്യൂബ് ചാനലിലൂടെ പ്രചരിപ്പിച്ച് ലഹളയ്ക്ക് പ്രേരണ നല്കിയെന്നാണ് എഫ്ഐആറിലെ ആരോപണം. *പൊലീസ് നടപടിക്കെതിരെ കോടതി തന്നെ ചോദ്യം ഉന്നയിച്ചു* ജാമ്യാപേക്ഷ പരിഗണിക്കുമ്പോള് പ്രതിയെ അറസ്റ്റ് ചെയ്യുന്നതിന് മുന്പ് പൊലീസ് നോട്ടിസ് നല്കിയില്ലെന്ന വിഷയവും കോടതിയുടെ പരിഗണനയില് വന്നു. അറസ്റ്റിന് മുന്പ് പ്രതിക്ക് നോട്ടിസ് നല്കാത്തതെന്തെന്നായിരുന്നു കോടതിയുടെ ചോദ്യം. മോഹന്ദാസിനുവേണ്ടി ഹാജരായ അഭിഭാഷകന് പൊലീസിനെതിരെ ഗുരുതര ആരോപണങ്ങളാണ് ഉന്നയിച്ചത്. കസ്റ്റഡി അപേക്ഷ പോലും സമര്പ്പിക്കാതെ പ്രതിയെ എങ്ങനെ കസ്റ്റഡിയിലെടുക്കാനാകുമെന്ന് അഭിഭാഷകന് ചോദിച്ചു. പൊലീസ് നേരത്തെ അറിയിച്ചിരുന്നെങ്കില് യൂട്യൂബില്നിന്ന് വിഡിയോ നീക്കം ചെയ്യുമായിരുന്നുവെന്നും പരാതി രാഷ്ട്രീയപ്രേരിതമാണെന്നും അദ്ദേഹം വാദിച്ചു. ഇതോടെ കേസിലെ പ്രധാന ചോദ്യം വീണ്ടും ഉയരുകയാണ്: ഗുരുതരമായ ആരോപണങ്ങളുള്ള ഒരു കേസില് പൊലീസ് തുടക്കം മുതല് ഇത്രയും മന്ദഗതിയില് നീങ്ങേണ്ട സാഹചര്യമുണ്ടായിരുന്നോ? പരാതികള് ലഭിച്ചിട്ടും കേസ് രജിസ്റ്റര് ചെയ്യാന് ദിവസങ്ങളെടുത്തത് എന്തുകൊണ്ടാണെന്നതിനും വ്യക്തമായ വിശദീകരണം ആവശ്യമാണ്. വിവാദ പരാമര്ശം പൊതുസമൂഹത്തില് വലിയ പ്രതിഷേധത്തിന് വഴിവച്ചിട്ടും അന്വേഷണം കാര്യക്ഷമമായി മുന്നോട്ടുപോയോ എന്നതും പരിശോധിക്കപ്പെടേണ്ടതാണ്.