തൃശൂര്‍: കഴിഞ്ഞ ലോക്‌സഭാ തെരഞ്ഞെടുപ്പില്‍ തൃശൂരില്‍ വോട്ടര്‍ പട്ടികയില്‍ അട്ടിമറി നടന്നതായി സംശയിക്കുന്നുവെന്ന് സി പി ഐ നേതാവ് വി എസ് സുനില്‍കുമാര്‍. വോട്ടര്‍ പട്ടികയില്‍ ക്രമക്കേട് നടന്നതായി രാഹുല്‍ ഗാന്ധി ആരോപിതിന് പിന്നാലെയാണ് സുനില്‍കുമാറും രംഗത്തെത്തിയിരിക്കുന്നത്.
തെരഞ്ഞെടുപ്പ് കമ്മിഷന്‍ രാഷ്ട്രീയവത്കരിക്കപ്പെട്ടുവെന്നും രാഹുല്‍ ഗാന്ധിയുടെ ആരോപണം ഞെട്ടിച്ചെന്നും സുനില്‍ കുമാര്‍ പറഞ്ഞു. അട്ടിമറി നടന്നതായി സംശയം ബലപ്പെടുന്നുവെന്നും അദ്ദേഹം കൂട്ടിച്ചേര്‍ത്തു.